హైదరాబాద్‌లో 'యానిమల్' మ్యానియా
cinema | Suryaa Desk | Published : Wed, Nov 29, 2023, 03:37 PM
డైరెక్టర్ సందీప్ రెడ్డి వంగా బాలీవుడ్ స్టార్ హీరో రణబీర్ కపూర్‌తో సినిమా చేస్తున్న సంగతి అందరికి తెలిసందే. ఈ సినిమాకి 'యానిమల్' అనే టైటిల్ ని మేకర్స్ లాక్ చేసారు. తెలుగు రాష్ట్రాల్లో యానిమల్ అడ్వాన్స్ బుకింగ్స్ జోరుగా సాగుతుండగా ఒక్క హైదరాబాద్ సిటీలో మాత్రం తొలిరోజు మూడు కోట్లకు పైగా వసూళ్లు రాబట్టే అవకాశాలు పుష్కలంగా ఉన్నాయి. ప్రేక్షకులు మంచి స్క్రీన్, సౌండ్ సిస్టమ్, సౌకర్యాలు ఉన్నవాటిని వెతికి మరీ బుక్ చేసుకున్నారు. ఇప్పటి వరకు 60 శాతానికి పైగా ఆక్యుపెన్సీ నమోదైంది.
తెలంగాణలో ఎన్నికల వాతావరణం ఉధృతంగా ఉన్నప్పటికీ యానిమల్ సినిమా ప్రేక్షకులలో సంచలనం రేపుతోంది. యానిమల్ రికార్డ్ చేసిన కలెక్షన్స్ చూస్తే షాక్ అవ్వడం ఖాయం. ముంబై, కోల్‌కతాతో పోలిస్తే హైదరాబాద్ బుకింగ్‌లు వేగంగా జరుగుతున్నాయి.
ఈ సినిమాలో కన్నడ బ్యూటీ రష్మిక రణబీర్‌తో రొమాన్స్ చేయనుంది. యానిమల్ డిసెంబర్ 1, 2023న హిందీ, తెలుగు, తమిళం, మలయాళం, కన్నడ భాషల్లో కూడా విడుదల కానుంది. రణబీర్ కపూర్ ఈ సినిమాలో ఇంటెన్సివ్ క్యారెక్టర్‌లో నటిస్తున్నాడు. ఈ చిత్రంలో అనిల్ కపూర్, బాబీ డియోల్ కీలక పాత్రలు పోషిస్తున్నారు. ఈ చిత్రాన్ని భూషణ్ కుమార్, టి-సిరీస్, భద్రకాళి పిక్చర్స్ అండ్ సినీ1 స్టూడియోస్ నిర్మిస్తున్నాయి.
|
|