మహేష్ బాబుకి భారీ ఎలివేషన్ ఇచ్చిన అనిల్ కపూర్
cinema | Suryaa Desk | Published : Wed, Nov 29, 2023, 04:10 PM
మహేష్ బాబుకు తెలుగు రాష్ట్రాల్లోనే కాకుండా దేశవ్యాప్తంగా మంచి ఫాలోయింగ్ ఉంది. పలువురు బాలీవుడ్ ప్రముఖులు తెలుగు సూపర్‌స్టార్‌ని ఆరాధిస్తున్నారు. మహేష్ బాబు నటించిన చాలా సినిమాలు హిందీలో కూడా రీమేక్ అయ్యాయి. తాజాగా ఇప్పుడు బాలీవుడ్ నటుడు అనిల్ కపూర్ మహేష్ ని ఆకాశానికి ఎత్తేశాడు.
అనిల్ కపూర్ అనిమల్ ప్రీ రిలీజ్ ఈవెంట్‌కు హాజరైనందుకు మహేష్ బాబుకి ప్రత్యేక ధన్యవాదాలు అంటూ మహేష్ ని పొగిడారు. మహేష్ గురించి అనిల్ కపూర్ చెప్పిన మాటలు ఇంటర్నెట్‌లో వైరల్ అవుతున్నాయి. తెలుగు స్టార్‌ హీరోతో సుదీర్ఘ కుటుంబ సంబంధాన్ని పంచుకుంటున్నానని అనిల్ కపూర్ కూడా చెప్పారు.
స్ట్రెయిట్ హిందీ సినిమా చేయకపోయినా, బాలీవుడ్ నటులు మరియు నార్త్ ప్రేక్షకులలో మహేష్ బాబుకు చాలా గౌరవం ఉంది. ఇప్పుడు పరిస్థితే ఇలా ఉంటే రాజమౌళితో మహేష్ బాబు సినిమా రిలీజ్ అయితే ఎలాంటి విధ్వంసం జరుగుతుందో ఊహించుకోవచ్చు.
|
|