బబుల్‌గమ్‌ : 1 మిలియన్ వ్యూస్ ని సాధించిన జాను సాంగ్
cinema | Suryaa Desk | Published : Sat, Dec 09, 2023, 03:28 PM
ప్రముఖ నటుడు రాజీవ్ కనకాల మరియు ప్రముఖ తెలుగు యాంకర్ సుమ కనకాల కుమారుడు రోషన్ కనకాల టాలీవుడ్ కి ఎంట్రీ ఇస్తున్న సంగతి అందరికి తెలిసిందే. రవికాంత్ పెరుపు దర్శకత్వం వహిస్తున్న ఈ సినిమాకి 'బబుల్‌గమ్‌' అనే టైటిల్ ని మూవీ మేకర్స్ లాక్ చేసారు. ఈ సినిమాలోని మూడవ సింగల్ ని జాను అనే టైటిల్ తో విడుదల చేసారు. అనంత శ్రీరామ్ ఈ సాంగ్ కి సాహిత్యం అందించగా శ్రీచరణ్ పాకాల కంపోజ్ చేసారు. జావేద్ అలీ పాడిన ఈ ట్రాక్ ఇప్పుడు 1 మిలియన్ వ్యూస్ ని సాధించింది. ఈ విషయాన్ని మూవీ మేకర్స్ సోషల్ మీడియాలో స్పెషల్ పోస్టర్ ని విడుదల చేసి ప్రకటించారు.
ఈ చిత్రంలో రోషన్ సరసన మానస చౌదరి జోడిగా నటిస్తుంది. ఈ చిత్రం డిసెంబర్ 29, 2023న విడుదల కానుంది. హర్ష చెముడు, కిరణ్ మచ్చ, అనన్య ఆకుల, హర్షవర్ధన్, అను హాసన్, చైతు జొన్నలగడ్డ, బిందు చంద్రమౌళి మరియు ఇతరులు ఈ సినిమాలో కీలక పాత్రల్లో నటిస్తున్నారు. పీపుల్ మీడియా ఫ్యాక్టరీతో కలిసి మహేశ్వరి మూవీస్ బబుల్‌గమ్‌ను నిర్మించింది.
|
|