'తాండల్' లో సాయి పల్లవి పాత్ర గురించి ఓపెన్ అయ్యిన చందూ మొండేటి
cinema | Suryaa Desk | Published : Mon, Dec 11, 2023, 08:49 PM
కార్తికేయ 2 దర్శకుడు చందూ మొండేటితో నాగ చైతన్య తన తదుపరి సినిమాని ప్రకటించిన సంగతి అందరికి తెలిసిందే. ఈ చిత్రానికి "తాండల్" అనే టైటిల్ ని మూవీ మేకర్స్ లాక్ చేసారు. ఇటీవలే ఈ సినిమా గ్రాండ్ గా లాంచ్ అయ్యింది. తాజాగా జరిగిన మీడియా ఇంటరాక్షన్‌లో చందూ ఈ సినిమాలో సాయి పల్లవి పాత్ర గురించి వెల్లడించాడు. సాయి పల్లవి శ్రీకాకుళానికి చెందిన ఒక పల్లెటూరి మహిళగా నటిస్తుందని ఆమె పాత్రలో అనేక షేడ్స్ ఉంటాయని ఆయన వెల్లడించారు. ఆమె పాత్ర నాగ చైతన్య పాత్రతో గాఢంగా ప్రేమలో ఉంది కానీ ఆమె తన హక్కుల విషయంలో కూడా మొండిగా ఉంటుంది మరియు కొన్ని సమయాల్లో చాలా తీవ్రంగా ఉంటుంది అని చందూ చెప్పారు.
ఈ చిత్రంలో సాయి పల్లవి కథానాయికగా నటించింది. అందరూ ఎంతో ఆసక్తిగా ఎదురుచూస్తున్నా ఈ సినిమా చిత్రీకరణ త్వరలోనే ప్రారంభమవుతుంది. GA2 పిక్చర్స్‌ పతాకంపై బన్నీ వాస్‌ ఈ చిత్రాన్ని నిర్మిస్తుండగా, ప్రముఖ నిర్మాత అల్లు అరవింద్‌ సమర్పకుడిగా వ్యవహరిస్తున్నారు. రాక్ స్టార్ దేవిశ్రీ ఈ సినిమాకి సంగీతం అందిస్తున్నారు.
|
|