'సాలార్' పై వస్తున్న రూమర్స్ కి క్లారిటీ ఇచ్చిన నిర్మాత
cinema | Suryaa Desk | Published : Tue, Dec 12, 2023, 04:12 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. తాజాగా ఇప్పుడు సాలార్ సినిమా ఉగ్రం యొక్క రీమేక్ అని సోషల్ మీడియాలో వార్తలు వినిపిస్తున్నాయి. అయితే ఇటీవలి ఇంటర్వ్యూలో, సాలార్ నిర్మాత విజయ్ కిరగందూర్ రెండు ప్రాజెక్ట్‌ల మధ్య సంబంధం ఏమి లేదు అని చెప్పారు. అంతేకాకుండా ప్రత్యేకమైన కథనాలను రూపొందించడంలో ప్రశాంత్ నీల్ సామర్థ్యాన్ని నొక్కి చెప్పారు.
యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|