రాజమౌళితో 'సాలార్' టీమ్ ఇంటర్వ్యూ అవుట్
cinema | Suryaa Desk | Published : Wed, Dec 20, 2023, 02:55 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. మాస్టర్ స్టోరీ టెల్లర్ రాజమౌళి సాలార్ టీమ్ తో కలిసి ఇటీవల ఒక ప్రత్యేక ఇంటర్వ్యూ కోసం షూట్ చేసారు. ఈ పూర్తి ఇంటర్వ్యూ కోసం ప్రభాస్ అభిమానులు ఆసక్తిగా ఎదురుచూస్తున్నారు. ఈ ఇంటర్వ్యూని ఈరోజు ఉదయం 11 గంటలకు హోంబలే ఫిల్మ్స్ యూట్యూబ్ ఛానెల్లో ప్రత్యేకంగా ప్రదర్శించనున్నట్లు మూవీ మేకర్స్ ప్రకటించారు.
యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|