బజ్ : త్వరలో విడుదల కానున్న 'సాలార్' సెకండ్ సింగిల్
cinema | Suryaa Desk | Published : Wed, Dec 20, 2023, 03:14 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. సాలార్ అడ్వాన్స్ బుకింగ్‌లతో భారతదేశంలో మరియు ఓవర్సీస్‌లో సంచలనం సృష్టిస్తోంది. ఇప్పుడిప్పుడే తెలుగు రాష్ట్రాల్లో అడ్వాన్స్ బుకింగ్స్ ప్రారంభం కాగా రెస్పాన్స్ అదిరిపోతుంది.
లేటెస్ట్ అప్డేట్ ప్రకారం, ఈ చిత్రం యొక్క రెండవ సింగిల్ ని త్వరలో మూవీ మేకర్స్ విడుదల చేయటానికి ప్లాన్ చేస్తున్నట్లు సమాచారం. సాలార్‌లో సిమ్రత్ కౌర్ నటించిన ఐటెం సాంగ్‌ను ఇటీవల చిత్రీకరించారు. మరి ఇప్పుడు ఈ ఐటమ్ సాంగ్ ని రిలీజ్ చేస్తారో లేక ఇంకో పాటను రిలీజ్ చేస్తారో చూడాలి.
యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|