'తలపతి 68' టైటిల్ పై వస్తున్న పుకార్లను కొట్టిపారేసిన నిర్మాత
cinema | Suryaa Desk | Published : Wed, Dec 20, 2023, 04:57 PM
కోలీవుడ్ స్టార్ హీరో తలపతి విజయ్ తన తదుపరి చిత్రాన్ని వెంకట్ ప్రభుతో చేస్తున్నట్లు ప్రకటించిన సంగతి అందరికి తెలిసిందే. ఈ చిత్రానికి తాత్కాలికంగా తలపతి 68 అనే టైటిల్ పెట్టారు. ఈ ప్రతిష్టాత్మక ప్రాజెక్ట్‌లో విజయ్ ద్విపాత్రాభినయం చేయనున్నాడు. తాజాగా ఇప్పుడు ఈ సినిమాపై ఆన్‌లైన్ లో వస్తున్న రూమర్స్ కి నిర్మాత అర్చన కల్పాతి సోషల్ మీడియాలో స్పందించారు. ఈ చిత్రానికి బాస్ లేదా పజిల్ అనే టైటిల్ పెట్టలేదని అర్చన స్పష్టం చేసింది. త్వరలోనే అధికారిక టైటిల్‌ను వెల్లడిస్తానని హామీ ఇచ్చింది.
ఈ సినిమాలో విజయ్ సరసన హ్యాపెనింగ్ నటి మీనాక్షి చౌదరి కథానాయికగా నటిస్తోంది. ప్రశాంత్, ప్రభుదేవా, మోహన్, స్నేహ, లైలా, యోగిబాబు, వీటీవీ గణేష్, అజ్మల్ అమీర్, వైభవ్, ప్రేమి, అజయ్ రాజ్, అరవింద్ ఆకాష్ ఈ సినిమాలో కీలక పాత్రలు పోషిస్తున్నారు. ఎజిఎస్ ఎంటర్‌టైన్‌మెంట్ బ్యానర్‌పై అర్చన కలాపతి, కళపతి ఎస్ అఘోరం, కలపతి ఎస్ గణేష్, కళపతి ఎస్ సురేష్ ఈ భారీ చిత్రాన్ని నిర్మిస్తున్నారు. ఈ మెగా ప్రాజెక్ట్‌కి యువన్ శంకర్ రాజా సంగీతం అందించనున్నారు.
|
|