'సైంధవ్' లో 9 ఫైట్ సీక్వెన్సులు
cinema | Suryaa Desk | Published : Wed, Dec 27, 2023, 07:50 PM
శైలేష్ కొలను దర్శకత్వంలో టాలీవుడ్ హీరో వెంకటేష్ తన 75వ సినిమాని అధికారికంగా ప్రకటించిన సంగతి అందరికి తెలిసిందే. ఈ సినిమాకి 'సైంధవ్' అనే టైటిల్ ని మూవీ మేకర్స్ లాక్ చేసారు. యాక్షన్ ఎంటర్‌టైనర్‌గా తెరకెక్కుతున్నఈ సినిమాలో శ్రద్ధా శ్రీనాథ్ కథానాయికగా నటిస్తుంది.
తాజాగా ఒక ఇంటర్వ్యూలో దర్శకుడు శైలేష్ యాక్షన్ థ్రిల్లర్ గురించిన ఒక ఆసక్తికరమైన విషయాన్ని వెల్లడించారు. సైంధవ్‌లో మొత్తం 9 ఫైట్ సీక్వెన్స్‌లు ఉంటాయని తెలిపారు. అయితే ఈ యాక్షన్ సెట్ లు ఎలివేషన్ లాగా ఉండవని మరియు అవి కథను ముందుకు నడిపించగలవని పేర్కొన్నాడు. అన్ని యాక్షన్ సన్నివేశాలకు ఎమోషనల్ టచ్ ఉంటుందని శైలేష్ తెలిపారు.
ఈ పాన్-ఇండియన్ ప్రాజెక్ట్ లో బేబీ సారా, బాలీవుడ్ నటుడు నవాజుద్దీన్ సిద్ధిక్, రుహాని శర్మ ముఖ్యమైన పాత్రలు పోషిస్తున్నారు. ఈ సినిమా జనవరి 13, 2024న థియేటర్‌లలో విడుదల కానుంది. ఈ హై-వోల్టేజ్ యాక్షన్ థ్రిల్లర్ ని నిహారిక ఎంటర్‌టైన్‌మెంట్ బ్యానర్‌పై వెంకట్ బోయనపల్లి నిర్మిస్తున్నారు. ఈ పాన్ ఇండియన్ చిత్రానికి సంతోష్ నారాయణన్ సంగీతం అందిస్తున్నారు.
|
|