ఈ తేదీన జరుగనున్న 'హనుమాన్' మెగా ప్రీ రిలీజ్ ఈవెంట్
cinema | Suryaa Desk | Published : Thu, Jan 04, 2024, 04:33 PM
యంగ్ అండ్ టాలెంటెడ్ హీరో తేజ సజ్జా "ఓహ్ బేబీ", "అద్భుతం" వంటి సినిమాలతో ఆడియన్స్ ని ఆకట్టుకున్నాడు. ఈ హ్యాండ్సమ్ హీరో ఇప్పుడు పాన్ ఇండియా రేంజ్ లో ప్రశాంత్ వర్మ డైరెక్ట్ చేస్తున్న సూపర్ హీరో సినిమా 'హను-మాన్' లో నటిస్తున్నాడు. ఈ సినిమాపై భారీ బజ్ నెలకొంది.
లేటెస్ట్ అప్డేట్ ప్రకారం, జనవరి 7న హైదరాబాద్‌లోని ఎన్‌.కన్వెన్షన్‌ సెంటర్‌లో ఈ సినిమా ప్రీ రిలీజ్ ఈవెంట్‌ను నిర్వహించనున్నట్లు మూవీ మేకర్స్‌ వెల్లడించారు. ఈ విషయాన్ని తెలియజేసేందుకు చిత్ర బృందం సోషల్ మీడియాలో సరికొత్త పోస్టర్ ని విడుదల చేసారు.
ఈ పాన్ ఇండియా చిత్రం జనవరి 12, 2024న వెండితెరపైకి రానుంది. అమృత అయ్యర్ ఈ సినిమాలో తేజ సరసన నటిస్తుంది. ఈ సినిమాలో వినయ్ రాయ్, వరలక్ష్మి శరత్‌కుమార్, దీపక్ శెట్టి, గెటప్ శ్రీను, సత్య మరియు ఇతరులు ముఖ్యమైన పాత్రలలో కనిపించనున్నారు.
అనుదీప్ దేవ్, హరి గౌర, జై క్రిష్ మరియు కృష్ణ సౌరభ్ ఈ చిత్రానికి సౌండ్‌ట్రాక్‌లు అందిస్తున్నారు. కె నిరంజన్ రెడ్డి తన ప్రైమ్ షో ఎంటర్‌టైన్‌మెంట్ బ్యానర్‌పై హను-మాన్ చిత్రాన్ని నిర్మిస్తున్నారు.
|
|