'ఎసెన్స్ అఫ్ తాండల్' అవుట్
cinema | Suryaa Desk | Published : Sat, Jan 06, 2024, 03:18 PM
కార్తికేయ 2 దర్శకుడు చందూ మొండేటితో నాగ చైతన్య తన తదుపరి సినిమాని ప్రకటించిన సంగతి అందరికి తెలిసిందే. ఈ చిత్రానికి "తాండల్" అనే టైటిల్ ని మూవీ మేకర్స్ లాక్ చేసారు. ఈ లవ్-యాక్షన్ డ్రామా చిత్రానికి సంబంధించిన చిత్రీకరణ జరుగుతుంది. తాజాగా ఇప్పుడు తాండల్ నిర్మాతలు ఈ సినిమా ఫస్ట్ గ్లింప్సె ని విడుదల చేసారు. నాగ చైతన్య మత్స్యకారుడిగా పరిచయం అయ్యాడు మరియు నటుడు తన సాలిడ్ మేకోవర్‌తో అందరిని ఆశ్చర్యపరిచాడు. అద్భుతమైన విజువల్స్, ఎలక్ట్రిఫైయింగ్ బ్యాక్ గ్రౌండ్ స్కోర్ మరియు పవర్ ఫుల్ డైలాగ్స్‌ అందరిని ఆకట్టుకుంటున్నాయి.
ఈ చిత్రంలో సాయి పల్లవి కథానాయికగా నటించింది. ఈ చిత్రం 2018లో ఆంధ్రప్రదేశ్‌లోని శ్రీకాకుళంలో జరిగిన వాస్తవ సంఘటనల నుండి స్ఫూర్తిని పొందింది. GA2 పిక్చర్స్‌ పతాకంపై బన్నీ వాస్‌ ఈ చిత్రాన్ని నిర్మిస్తుండగా, ప్రముఖ నిర్మాత అల్లు అరవింద్‌ సమర్పకుడిగా వ్యవహరిస్తున్నారు. రాక్ స్టార్ దేవిశ్రీ ఈ సినిమాకి సంగీతం అందిస్తున్నారు.
|
|