నయనతార 'అన్నపూర్ణి' పై ఎఫ్ఐఆర్ దాఖలు
cinema | Suryaa Desk | Published : Sun, Jan 07, 2024, 06:06 PM
నూతన దర్శకుడు నీలేష్ కృష్ణ దర్శకత్వంలో లేడీ సూపర్ స్టార్ నయనతార నటించిన 'అన్నపూర్ణి' సినిమా యొక్క డిజిటల్ స్ట్రీమింగ్ రైట్స్ ని జీ5 తెలుగు సొంతం చేసుకున్న సంగతి అందరికి తెలిసిందే. ఈ చిత్రం డిసెంబర్ 29న స్ట్రీమింగ్ కి తమిళతో పాటు తెలుగు, మలయాళం, కన్నడ మరియు హిందీ డబ్బింగ్ వెర్షన్లను కూడా అందుబాటులోకి వచ్చింది.
తాజాగా ఇప్పుడు అన్నపూర్ణి వివాదంగా మారింది. హిందూ మనోభావాలను దెబ్బతీశారని, లవ్ జిహాద్ను ప్రోత్సహిస్తున్నారని ఆరోపిస్తూ నయనతార మరియు అన్నపూర్ణికి సంబంధించిన ఇతరులపై ఎఫ్ఐఆర్ నమోదు అయ్యినట్లు సమాచారం. మాంసాహారం వండడానికి ముందు నయనతార నమాజ్ చేయడం శ్రీరాముడిపై నటుడు జై చేసిన వ్యాఖ్యలు వంటి సన్నివేశాలను హైలైట్ చేస్తూ ఈ చిత్రాన్ని హిందూ వ్యతిరేకి అని మాజీ శివసేన నాయకుడు రమేష్ సోలంకి విమర్శించారు. దీనిపై చర్యలు తీసుకోవాలని ఉత్తరప్రదేశ్ డీజీపీ ముంబై పోలీసులను కోరారు.
ఆసక్తికరమైన విషయం ఏమిటంటే, ఈ ఆరోపణలపై నయనతార మరియు నెట్ఫ్లిక్స్ యాజమాన్యంతో సహా నిర్మాతలు స్పందించలేదు. జీ స్టూడియోస్, నాద్ స్టూడియోస్ మరియు ట్రైడెంట్ ఆర్ట్స్పై జతిన్ సేథి మరియు ఆర్ రవీంద్రన్ ఈ సినిమాని నిర్మించారు. అన్నపూర్ణి లో జై, సత్యరాజ్, కెఎస్ రవి కుమార్, రెడిన్ కింగ్స్లీ, అచ్యుత్ కుమార్, కుమారి సచ్చు, రేణుక, కార్తీక్ కుమార్ మరియు సురేష్ చక్రవర్తి కీలక పత్రాలు పోషిస్తున్నారు. ఈ సినిమాకి థమన్ సంగీతం అందించారు.
|
|