రణబీర్ కపూర్-అలియా భట్ యొక్క ముద్దుల వీడియో వైరల్ అవుతుంది

బాలీవుడ్ ప్రేమ జంటలు ఈ మధ్య ఎక్కువయ్యాయి. మొన్నటి దాకా దీపికా పదుకొనె ,రణ్వీర్ సింగ్ ల ప్రేమాయణం సాగి పెళ్లి పీటలు ఎక్కారు ఈ జంట. సోనమ్ కపూర్ ఆనంద్ అహుజా ని పెళ్లి చేసుకుంది. ఇక ప్రియాంక చోప్రా అయితే తనకన్న చిన్నవాడైన నిక్ జోనస్ ని ప్రేమించి పెళ్లాడింది.

ఇక ఇప్పుడు బాలీవుడ్ అంతా రణబీర్ కపూర్-అలియా భట్ ల మీద ఫోకస్ పెంచింది. జీ సినిమా అవార్డ్స్ ఫంక్షన్ లో ఒక అరుదైన సంఘటన చోటు చేసుకుంది. 'రాజీ' చిత్రంలో నటనకు అలియా ఉత్తమ నటిగా ఎంపికయినట్టు ప్రకటించారు.   దీంతో ఎగ్జైట్ అయిన రణబీర్ పక్కనే కూర్చొని ఉన్న అలియాను దగ్గరగా తీసుకొని పెదవుల మీద ముద్దివ్వబోయాడు. కానీ రెప్పపాటులో అలియా పక్కకు జరగడంతో ఇక తప్పనిసరి పరిస్థితిలో బుగ్గపై ముద్ధిచ్చాడు.  దానికి సిగ్గుపడిన అలియా వెంటనే తమాయించుకొని మళ్ళీ రణబీర్ సింగ్ బుగ్గపై ప్రేమగా ముద్దిచ్చింది.  ఇక ఈ ముద్దులతో ఆడిటోరియంలో చప్పట్లు మార్మోగిపోయాయి.  ఈ వీడియో ఇప్పుడు సోషల్ మీడియాలో వైరల్ అయింది.

మరోవైపు జీ సినిమా అవార్డ్స్ లో 'సంజు' సినిమాకు గానూ ఉత్తమనటుడిగా అవార్డు లభించింది.  ఈ కార్యక్రమంలో ఉత్తమనటుడిగా రణబీర్ పేరును అలియా స్వయంగా  ప్రకటించడమే కాకుండా అవార్డు కూడా అందించింది.  రణబీర్ తన ప్రసంగంలో తన తండ్రిగారైన రిషి కపూర్ గురించి ప్రస్తావించి ఎమోషనల్ స్పీచ్ ఇచ్చాడు.  సీనియర్ నటుడైన రిషి కపూర్ ప్రస్తుతం క్యాన్సర్ ట్రీట్మెంట్ తీసుకుంటున్న సంగతి తెలిసిందే.

ఇదిలా ఉంటే రణబీర్ కపూర్.. అలియా భట్ 'బ్రహ్మాస్త్ర' చిత్రంలో హీరో హీరోయిన్లు గా నటిస్తున్నారు.  ఈ సినిమాలో అక్కినేని నాగార్జున.. అమితాబ్ బచ్చన్.. డింపుల్ కపాడియాలు ఇతర కీలక పాత్రల్లో నటిస్తున్నారు.