'ఉద్యమ సింహం' చిత్రాన్ని యూట్యూబ్ లో టివి చానెల్స్ లో ఫ్రీగా విడుదల చేస్తారట.....
cinema | Suryaa Desk | Published : Thu, Apr 04, 2019, 06:00 PM
తెలంగాణ ఉద్యమసారధి .. తెలంగాణ రాష్ట్ర ముఖ్యమంత్రి కేసీఆర్ నేతృత్వంలో జరిగిన తెలంగాణ పోరాట నేపధ్య కథతో తెరకెక్కిన చిత్రం ”ఉద్యమసింహం”. నటరాజన్, మాధవి రెడ్డి ముఖ్య పాత్రల్లో నటిస్తుండగా అల్లూరి కృష్ణంరాజు దర్శకత్వం వహిస్తున్నాడు. కల్వకుంట్ల నాగేశ్వర రావు నిర్మిస్తున్న ఈ చిత్రం 29న విడుదలకు అన్నీ వేర్పాట్లు చేశారు, కానీ కొందరు ఈ సినిమా విడుదల అవ్వకుండా సమస్యలు రేపుతున్నారు. డిస్ట్రిబ్యూటర్లని, సినిమా థియేటర్ ఓనర్స్ ని బెదిరించి సినిమా ఎవరు విడుదల చేయొద్దు అని వార్నింగ్ ఇచ్చారు. అయితే నిర్మాతలు కల్వకుంట్ల నాగేశ్వరరావు ఎవరికి భయపడకుండా ఉద్యమ సింహం చిత్రాన్ని యూట్యూబ్ లో టివి చానెల్స్ లో ఫ్రీగా విడుదల చేస్తున్నారు.
ఈ సందర్భం గా ఫిలించాంబర్ లో ఏర్పాటు చేసిన మీడియా సమావేశంలో నిర్మాత కల్వకుంట్ల నాగేశ్వర రావు మాట్లాడుతూ “ఉద్యమ సింహం సినిమా విడుదల అవ్వకుండా అడ్డుపడుతున్నారు. సినిమా చాలా బాగా వచ్చింది. తెలంగాణ లో ఉన్న ప్రతి ఒక్కరు ఈ సినిమా చూడాలి అని నేను ఈ సినిమాని యూట్యూబ్ మరియు టీవీ చానెల్స్ లో ఫ్రీ గా విడుదల చేస్తున్నాను. యూట్యూబ్ నిర్వాహకులు మా సినిమాని మీ ఛానల్ లో పెట్టుకోవచ్చు, కాపీ రైట్స్ సమస్య లేదు. ఎవరైనా అప్లోడ్ చేసుకోవచ్చు” అని తెలిపారు.
|
|