అల్లు వారి అండతో మరో హీరో ఎంట్రీ
cinema | Suryaa Desk | Published : Sat, Apr 06, 2019, 10:01 PM
అల్లు కుటుంబానికి సినీరంగంతో ఎంతటి అనుబంధం ఉందొ తెలియనిది కాదు. అల్లు అరవింద్ బంధువైన విరాన్ ముత్తం శెట్టి కూడా నటన పట్ల తనకున్న అభిరుచిని చాటుకోవడానికి హీరోగా పరిచయం కాబోతున్నాడు. పి.సి.ఎం స్టూడియో, మైత్రి అసోసియేషన్ పతాకలపై చిట్టి శర్మ దర్శకత్వంలో సి.హెచ్.వి.యస్.ఎన్ బాబ్జి ప్రొడక్షన్స్ నెం.1 గా నిర్మించే సినిమా ద్వారా విరాన్ ముత్తం శెట్టి అరంగేట్రం చేయబోతున్నారు. దుష్ట శిక్షణ, శిష్టరక్షణ కోసం దేవుడు అవతారం ఎత్తుతాడు అనేది గీతా సారాంశం. కానీ ధర్మం నశించి, ఆ దేవుడి ఉనికే ప్రశ్నగా మారిన ఇప్పటి లోకానికి ఆ దేవుడిన్ని పరిచయం చేసిన ఓ యువకుడి కథే ఈ సినిమా అని నిర్మాత బాబ్జీ తెలిపారు. సరికొత్త కథనంతో తెలుగు, తమిళ, మలయాళ భాషల్లో ఈ సినిమా రూపొందుతున్నది. ఈ సందర్భంగా నిర్మాత మాట్లాడుతూ.... తిరుపతి, పశ్సిమగోదావరి, రంపచోడవరం, కేరళ, తమిళనాడు పరిసర ప్రాంతాల్లో షూటింగ్ జరుపుతాం. కేరళలోని అనంత పద్మనాభస్వామి దేవాలయం వెనుక ఉన్న చరిత్ర నేపధ్యంలో గ్రాఫిక్స్ ప్రధానంగా సాగే ఈ సినిమాలోని ఇతర నటీనటుల వివరాలు త్వరలో వెల్లడిస్తాం. ఉగాది నుంచి మ్యూజిక్ సిట్టింగ్స్ జరుగుతున్నాయని అయన అన్నారు.
|
|