'గ్యాంగ్స్ ఆఫ్ గోదావరి' విడుదలపై లేటెస్ట్ అప్డేట్
cinema | Suryaa Desk | Published : Thu, Feb 08, 2024, 05:12 PM
కృష్ణ చైతన్య దర్శకత్వంలో మాస్ కా దాస్ విశ్వక్సేన్ తన తదుపరి చిత్రాన్ని అధికారకంగా ప్రకటించిన సంగతి అందరికి తెలిసిందే. ఈ సినిమాకి 'గ్యాంగ్స్ ఆఫ్ గోదావరి' అనే టైటిల్ ని మూవీ మేకర్స్ లాక్ చేసారు. కొన్ని నెలల క్రితం విడుదలైన టీజర్‌కి అద్భుతమైన స్పందన వచ్చింది.
యాక్షన్ డ్రామాగా తెరకెక్కుతున్న ఈ చిత్రం మార్చి 8, 2024న విడుదల కావటం లేదని సమాచారం. లేటెస్ట్ రిపోర్ట్స్ ప్రకారం, ఈ చిత్రం ఏప్రిల్ లేదా మేలో విడుదల కానుందని సోషల్ మీడియాలో లేటెస్ట్ టాక్. త్వరలో మూవీ మేకర్స్ ఈ విషయం పై క్లారిటీ ఇవ్వనున్నారు.
ఈ సినిమాలో అంజలి, నేహా శెట్టి కథానాయికలుగా నటిస్తున్నారు. ఈ చిత్రంలో నాజర్, సాయి కుమార్, గోపరాజు రమణ తదితరులు ముఖ్య పాత్రలు పోషిస్తున్నారు. ప్రముఖ నిర్మాణ సంస్థలు సితార ఎంటర్‌టైన్‌మెంట్స్ మరియు ఫార్చూన్ ఫోర్ ఎంటర్‌టైన్‌మెంట్స్ సంయుక్తంగా ఈ చిత్రాన్ని నిర్మిస్తున్నాయి. ఈ చిత్రానికి యువన్ శంకర్ రాజా సంగీతం అందిస్తున్నారు.
|
|