ట్రెండింగ్
పురాణాలతో ముడిపడిన ఎలిమెంట్స్‌ తో ‘భూతద్దం భాస్కర నారాయణ’
cinema | Suryaa Desk | Published : Mon, Feb 12, 2024, 11:31 AM
శివ కందుకూరి హీరోగా రూపొందిన యూనిక్‌ క్రైమ్‌ థ్రిల్లర్‌ ‘భూతద్దం భాస్కర నారాయణ’. రాశీ సింగ్‌ కథానాయిక. పురుషోత్తం రాజ్‌ దర్శకత్వంలో స్నేహాల్‌, శశిధర్‌, కార్తీక్‌ ముడుంబై నిర్మించారు. మార్చి ఒకటిన ఈ సినిమా విడుదలవుతున్న సందర్భంగా చిత్రం ట్రైలర్‌ను హీరో విశ్వక్‌ సేన్‌ విడుదల చేశారు. హీరో శివ కందుకూరి మాట్లాడుతూ ‘పురాణాలతో ముడిపడిన ఎలిమెంట్స్‌ ప్రేక్షకులకు కొత్త అనుభూతిని కలిగిస్తాయి. మా దర్శకుడికి పురాణాల మీద మంచి పట్టు ఉంది. యూనిక్‌ ఎలిమెంట్స్‌తో రూపొందిన ఈ సినిమా మీద మంచి నమ్మకం ఉంది’ అన్నారు. ‘ప్రతి ఒక్కరి ఇంటి ముందు దిష్టి బొమ్మ ఉంటుంది. ఆ బొమ్మ గురించే ఈ కథ. సినిమాలో చాలా ట్విస్టులు ఉన్నాయి’ అన్నారు దర్శకుడు పురుషోత్తం. మంచి థ్రిల్లర్‌ ఇదనీ, సినిమా బాగా వచ్చిందని నిర్మాతలు చెప్పారు.
|
|