'డబుల్ ఇస్మార్ట్' కోసం జియాని గియానెల్లి స్థానంలో ప్రఖ్యాత సినిమాటోగ్రాఫర్
cinema | Suryaa Desk | Published : Tue, Feb 20, 2024, 08:58 PM
టాలీవుడ్ యంగ్ అండ్ ఎనర్జిటిక్ యాక్టర్ రామ్ పోతినేని మరియు డాషింగ్ డైరెక్టర్ పూరి జగన్నాధ్ ఇస్మార్ట్ శంకర్ సినిమాకి సీక్వెల్ ని ప్రకటించిన సంగతి అందరికి తెలిసిందే. ఈ సినిమాకి మూవీ మేకర్స్ 'డబుల్ ఇస్మార్ట్' అనే టైటిల్ ని లాక్ చేసి అధికారికంగా లాంచ్ చేసారు. లేటెస్ట్ బజ్ ప్రకారం, సినిమాటోగ్రాఫర్ జియాని గియానెల్లి స్థానంలో ప్రఖ్యాత DOP శ్యామ్ కె నాయుడు ఉన్నట్లు సమాచారం.
సూపర్, పోకిరి మరియు టెంపర్ వంటి హిట్‌లతో పూరీతో 15 సినిమాలకు సహకరించిన శ్యామ్ కె నాయుడు ఈ సినిమాకి సినిమాటోగ్రాఫర్ గా ఉన్నట్లు లేటెస్ట్ టాక్. అయితే, ఈ మార్పు వెనుక కారణాలు ఇంకా తెలియరాలేదు. అధికారిక ప్రకటన కోసం అభిమానులు ఆసక్తిగా ఎదురుచూస్తున్నారు.
ఈ సినిమాలో బాలీవుడ్ స్టార్ నటుడు సంజయ్ దత్ ముఖ్య పాత్రలో కనిపించనున్నాడు. ఈ సినిమా తెలుగు, తమిళం, కన్నడ, మలయాళం మరియు హిందీ సినిమాల్లోని ప్రేక్షకులను ఆకట్టుకునేలా పలు భాషల్లో గ్రాండ్ గా విడుదల కానుంది. పూరి జగన్నాధ్ మరియు ఛార్మి కౌర్ కలిసి పూరీ కనెక్ట్స్‌పై, విషు రెడ్డి CEOగా ఈ చిత్రాన్ని నిర్మించనున్నారు. ఈ చిత్రానికి మణిశర్మ సంగీతం అందిస్తున్నారు.
|
|