బుక్ మై షో ట్రేండింగ్ లో 'ప్రేమలు' తెలుగు వెర్షన్
cinema | Suryaa Desk | Published : Fri, Mar 15, 2024, 02:49 PM
గిరీష్ ఎడి దర్శకత్వం వహించిన రొమాంటిక్ కామెడీ సినిమా 'ప్రేమలు' ఈ సంవత్సరం మాలీవుడ్‌లో విడుదలైన బ్లాక్‌బస్టర్‌లలో ఒకటిగా నిలిచింది. ఈ సినిమాలో నస్లెన్ కె గఫూర్ మరియు మమితా బైజు ప్రధాన జంటగా నటించారు. ఈ చిత్రం యొక్క తెలుగు వెర్షన్ మార్చి 8, 2024న విడుదల అయ్యింది.
ఈ సినిమా తెలుగు వెర్షన్‌ను రాజమౌళి తనయుడు ఎస్‌ఎస్ కార్తికేయ విడుదల చేసారు. ఈ సినిమా విడుదలైన అన్ని చోట్ల పాజిటివ్ రివ్యూస్ ని సొంతం చేసుకొని సాలిడ్ కలెక్షన్స్ ని రాబడుతుంది. తాజాగా ఇప్పుడు ఈ సినిమా తెలుగు వెర్షన్ బుక్ మై షోలో 9.4/10 రేటింగ్‌తో టాప్ ట్రేండింగ్ లో ఉంది. ఈ విషయాన్ని చిత్ర బృందం అధికారకంగా సోషల్ మీడియాలో పోస్ట్ చేసి ప్రకటించారు.
ఈ సినిమాలో శ్యామ్ మోహన్ ఎమ్, మీనాక్షి రవీంద్రన్, అఖిలా భార్గవన్, అల్తాఫ్ సలీం, మాథ్యూ థామస్ మరియు సంగీత్ ప్రతాప్ కీలక పాత్రలు పోషిస్తున్నారు. విష్ణు విజయ్ ఈ చిత్రానికి సంగీతం సమకూర్చారు.
|
|
