అంతర్జాతీయ అవార్డును సొంతం చేసుకున్న 'హాయ్ నాన్న'
cinema | Suryaa Desk | Published : Sun, Apr 07, 2024, 04:59 PM
నూతన దర్శకుడు శౌర్యువ్ దర్శకత్వంలో నేచురల్ స్టార్ నాని నటించిన 'హాయ్ నాన్నా' సినిమా డిసెంబర్ 7, 2023న ప్రేక్షకుల ముందుకు వచ్చింది. హాయ్‌నాన్నా సినిమా ప్రపంచవ్యాప్తంగా 75 కోట్ల గ్రాస్ సాధించింది. లేటెస్ట్ రిపోర్ట్స్ ప్రకారం, ఈ సినిమా మార్చి 2024 ఎడిషన్‌లో ఏథెన్స్ ఇంటర్నేషనల్ ఆర్ట్ ఫిల్మ్ ఫెస్టివల్‌లో బెస్ట్ ఫీచర్ ఫిల్మ్ అవార్డును సొంతం చేసుకుంది. ఈ విషయాన్ని చిత్ర బృందం సోషల్ మీడియాలో సరికొత్త పోస్టర్ ని విడుదల చేసి ప్రకటించారు.
సీతా రామం ఫేమ్ మృణాల్ ఠాకూర్ ఈ సినిమాలో నానికి జోడిగా నటిస్తుంది. ఈ పాన్-ఇండియన్ చిత్రంలో బేబీ కియారా, జయరామ్, ప్రియదర్శి, శ్రుతి హాసన్ మరియు ఇతరులు ముఖ్యమైన పాత్రలు పోషించారు. ప్రముఖ మలయాళ మ్యూజిక్ డైరెక్టర్ హృదయం ఫేమ్ హేషమ్ అబ్దుల్ వహాబ్ ఈ సినిమాకి సంగీతం అందిస్తున్నారు. వైరా ఎంటర్‌టైన్‌మెంట్స్ పతాకంపై మోహన్ చెరుకూరి (CVM), డాక్టర్ విజయేందర్ రెడ్డి తీగల మరియు మూర్తి KS ఈ చిత్రాన్ని నిర్మిస్తున్నారు.
|
|