'గ్రేటెస్ట్ ఆఫ్ ఆల్ టైమ్' లో అతిధి పాత్రలో తమిళ స్టార్ హీరో?
cinema | Suryaa Desk | Published : Thu, May 09, 2024, 06:29 PM
కోలీవుడ్ స్టార్ హీరో తలపతి విజయ్ తన తదుపరి చిత్రాన్ని వెంకట్ ప్రభుతో చేస్తున్నట్లు ప్రకటించిన సంగతి అందరికి తెలిసిందే. ఈ ప్రతిష్టాత్మక ప్రాజెక్ట్‌లో విజయ్ ద్విపాత్రాభినయం చేయనున్నాడు. ఈ సినిమాకి గ్రేటెస్ట్ ఆఫ్ ఆల్ టైమ్ (G.O.A.T.) అనే టైటిల్ ని లాక్ చేసారు.
ఈ సినిమా షూటింగ్ ప్రస్తుతం శరవేగంగా జరుగుతోంది. తాజాగా ఇప్పుడు, ప్రముఖ తమిళ స్టార్ హీరో శివకార్తికేయన్ ఈ సినిమాలో కీలకమైన అతిధి పాత్రలో కనిపించనున్నట్లు ఫిలిం సర్కిల్ లో వార్తలు వినిపిస్తున్నాయి. ప్రస్తుతం చెన్నైలో జరుగుతున్న షెడ్యూల్‌లో శివకార్తికేయన్ తన సన్నివేశాలను చిత్రీకరిస్తున్నట్లు లేటెస్ట్ టాక్. అయితే శివకార్తికేయన్ అతిధి పాత్రపై చిత్ర యూనిట్ ఇంకా అధికారిక ప్రకటన చేయలేదు.
ఈ సినిమా సెప్టెంబర్ 5,2024న గ్రాండ్ విడుదల కానుంది. ఈ సినిమాలో విజయ్ సరసన హ్యాపెనింగ్ నటి మీనాక్షి చౌదరి కథానాయికగా నటిస్తోంది. ప్రశాంత్, ప్రభుదేవా, మోహన్, స్నేహ, లైలా, యోగిబాబు, వీటీవీ గణేష్, అజ్మల్ అమీర్, వైభవ్, ప్రేమి, అజయ్ రాజ్, అరవింద్ ఆకాష్ ఈ సినిమాలో కీలక పాత్రలు పోషిస్తున్నారు.
ఎజిఎస్ ఎంటర్‌టైన్‌మెంట్ బ్యానర్‌పై అర్చన కలాపతి, కళపతి ఎస్ అఘోరం, కలపతి ఎస్ గణేష్, కళపతి ఎస్ సురేష్ ఈ భారీ చిత్రాన్ని నిర్మిస్తున్నారు. ఈ మెగా ప్రాజెక్ట్‌కి యువన్ శంకర్ రాజా సంగీతం అందించనున్నారు.
|
|