'కూలీ' ఈ తేదీన సెట్స్ పైకి వెళ్లనుందా?
cinema | Suryaa Desk | Published : Tue, May 14, 2024, 02:14 PM
లోకేశ్ కనగరాజ్ దర్శకత్వంలో సూపర్ స్టార్ రజనీకాంత్ 171వ చిత్రాన్ని చేస్తున్నట్లు ప్రకటించిన సంగతి అందరికి తెలిసిందే. ఈ సినిమాకి కూలీ అనే టైటిల్ ని మూవీ మేకర్స్ లాక్ చేసారు. ఈ చిత్రం యొక్క ఎలక్ట్రిఫైయింగ్ అనౌన్స్‌మెంట్ వీడియో ఇంటర్నెట్‌లో సెన్సేషన్ ని సృష్టించింది.
తాజా సమాచారం ప్రకారం, కూలీకి సంబంధించిన ప్రధాన ఫోటోగ్రఫీ జూన్ 6, 2024న ప్రారంభం కానుంది అని సమాచారం. ఇటీవలి ఇంటర్వ్యూలో, దర్శకుడు లోకేష్ కనగరాజ్ ఈ చిత్రంలో బలమైన స్త్రీ పాత్రలను కలిగి ఉంటారని వెల్లడించారు. శ్రుతి హాసన్ కీలక పాత్రలో కనిపించనుందని, బహుశా రజనీ కూతురిగా కనిపించనుందని ఫిలిం సర్కిల్ లో లేటెస్ట్ టాక్.
ఈ చిత్రం 2024 చివరిలో లేదా 2025 ప్రారంభంలో విడుదల కానుంది. ఈ చిత్రాన్ని పరిశ్రమలోని ప్రముఖ నిర్మాణ సంస్థల్లో ఒకటైన సన్ పిక్చర్స్ నిర్మించనుంది. అనిరుధ్ రవిచందర్ ఈ చిత్రానికి సంగీతం అందిస్తున్నారు.
|
|