'బేబీ జాన్' కి డబ్బింగ్ చెప్పడంలో బిజీగా ఉన్న వరుణ్ ధావన్
cinema | Suryaa Desk | Published : Tue, May 14, 2024, 02:53 PM
ఎ. కాళీశ్వరన్ దర్శకత్వంలో బాలీవుడ్ నటుడు వరుణ్ ధావన్ ఒక ప్రాజెక్ట్ ని ప్రకటించిన సంగతి అందరికి తెలిసిందే. ఈ చిత్రానికి 'బేబీ జాన్' అనే టైటిల్ ని మూవీ మేకర్స్ లాక్ చేసారు. ఈ చిత్రం మే 31, 2024న విడుదల కానుంది. తాజా సమాచారం ఏమిటంటే, కథానాయకుడు వరుణ్ ధావన్ ఈ సినిమాలో తన పాత్రకు డబ్బింగ్ చెప్పే పనిలో బిజీగా ఉన్నాడు. డబ్బింగ్ స్టూడియో నుంచి తీసిన ఫొటోను సోషల్ మీడియాలో చిత్ర బృందం విడుదల చేసి అధికారికంగా ప్రకటించింది.
ఈ సినిమా తమిళ బ్లాక్‌బస్టర్ థెరి యొక్క అధికారిక హిందీ రీమేక్. ఈ సినిమాలో కీర్తి సురేష్ మరియు వామికా గబ్బి మహిళా ప్రధాన పాత్రలలో నటిస్తున్నారు. అట్లీ మరియు జియో స్టూడియోస్ సమర్పకులుగా ఎ ఫర్ యాపిల్ మరియు సినీ 1 స్టూడియోస్ బ్యానర్‌లపై ప్రియా అట్లీ, మురాద్ ఖేతాని మరియు జ్యోతి దేశ్‌పాండే నిర్మిస్తున్న ఈ భారీ అంచనాల ప్రాజెక్టుకు థమన్ సంగీతం అందిస్తున్నారు.
|
|
