కార్తీ, అరవింద్ స్వామి కాంబినేషన్ లో సినిమా
cinema | Suryaa Desk | Published : Fri, May 31, 2024, 06:26 PM
కార్తీ హీరోగా, త‌న సొద‌రుడు సూర్య నిర్మాతగా ఓ చిత్రం రెడీ అవుతోంది. ’96’చిత్రంతో బ్లాక్ బస్టర్ విజయాన్ని అందుకున్న దర్శకుడు సి.ప్రేమ్ కుమార్ దర్శకత్వంలో ఓ చిత్రాన్ని చేస్తున్నారు. రాజశేఖర్ కర్పూర సుందరపాండియన్ సహ నిర్మాతగా 2డి ఎంటర్‌టైన్‌మెంట్ పై జ్యోతిక, సూర్య ఈ చిత్రాన్ని నిర్మిస్తున్నారు.'కార్తీ 27' వర్కింగ్ టైటిల్‌తో తెరకెక్కిన ఈ సినిమా ఇండస్ట్రీలో భారీ బజ్‌ను క్రియేట్ చేస్తోంది. ఈ చిత్రం టైటిల్‌ను, ఫస్ట్‌లుక్‌ను మేకర్స్ తాజాగా విడుదల చేశారు.కార్తీ పుట్టినరోజు సందర్భంగా మెయ్యళగన్ పేరుతో విడుదల చేసిన ఫస్ట్‌లుక్‌కి అభిమానులు, ప్రేక్షకుల నుంచి అద్భుతమైన స్పందన వచ్చింది. అరవింద్ స్వామి ఈ సినిమాలో ఓ కీల‌క పాత్ర పోషిస్తున్నాడు. ఫస్ట్ లుక్ పోస్టర్ కార్తీ, అరవింద్ స్వామి మధ్య ఉన్న స్నేహ బంధాన్ని చూపించింది. అరవింద్ స్వామి సైకిల్ తొక్కుతుంటే, కార్తీ వెనుక కూర్చుని చిన్నపిల్లాడిలా పోజు ఇవ్వడం ఆకట్టుకుంది. తెలుగు తమిళ ద్విభాష చిత్రంగా రూపొందుతున్న ఈ మూవీ తెలుగు టైటిల్ ని త్వరలోనే విడుదల చేయనున్నారు.
|
|
