జూన్ 13న విడుదల కానున్న రాయన్
cinema | Suryaa Desk | Published : Fri, May 31, 2024, 06:29 PM
కెప్టెన్ మిల్ల‌ర్ వంటి బ్లాక్‌బ‌స్ట‌ర్ హిట్ త‌ర్వాత జాతీయ అవార్డ్ గ్ర‌హీత ధనుష్ కథానాయకుడిగా నటిస్తూ, స్వీయ దర్శకత్వంలో తెరకెక్కిస్తున్న చిత్రం ‘రాయన్’ . ధనుష్ ల్యాండ్‌మార్క్ 50వ చిత్రంగా రూపొందుతున్న ఈ సినిమాలో సందీప్ కిషన్, ఎస్‌జే సూర్య, సెల్వ రాఘవన్‌, అపర్ణ బాలమురళి, కాళిదాస్ కీలక పాత్రలు పోషిస్తున్నారు.స‌న్ పిక్చ‌ర్స్ ప్ర‌తిష్టాత్మ‌కంగా నిర్మిస్తోన్న ఈ చిత్రానికి ఆస్కార్ విన్నింగ్ కంపోజర్ ఏఆర్ రెహ‌మాన్ సంగీతం అందిస్తున్నారు. అయితే ఇప్ప‌టికే రిలీజ్ చేసిన ఫ‌స్ట్ సింగిల్ మాస్ ట్రీట్ అందించగా ఇప్పుడు సందీప్ కిషన్, అపర్ణ బాలమురళిల‌పై చిత్రీక‌రించిన ఓ రొమాంటిక్ మెలోడిని విడుదల చేశారు. రామజోగయ్య శాస్త్రి సాహిత్యం అందించగా విజయ్ ప్రకాష్, హరిప్రియలు ఈ పాట‌ను పాడ‌గా పాడారు.జూన్ 13న ఈ రాయన్ చిత్రం ప్రపంచవ్యాప్తంగా ప్రేక్ష‌కుల ముందుకు రానుండ‌గా తెలుగులో ఏషియన్ సురేష్ ఎంటర్‌టైన్‌మెంట్ ఎల్‌ఎల్‌పి విడుదల చేస్తోంది. కాగా ఈ సినిమాను పాన్ ఇండియాగా త‌మిళంతో పాటు తెలుగు, మ‌ల‌యాళం, క‌న్న‌డ, హిందీ భాష‌ల్లో విడుదల చేస్తున్నారు.
|
|
