'స్వయంభూ' ఆన్ బోర్డులో కెకె సెంథిల్ కుమార్
cinema | Suryaa Desk | Published : Sat, Jun 01, 2024, 04:29 PM
భరత్ కృష్ణమాచారి దర్శకత్వంలో టాలీవుడ్ యంగ్ అండ్ టాలెంటెడ్ హీరో నిఖిల్ సిద్ధార్థ తన తదుపరి చిత్రాన్ని ప్రకటించిన సంగతి అందరికి తెలిసిందే. ఈ చిత్రానికి 'స్వయంభూ' అనే టైటిల్ ని మూవీ మేకర్స్ లాక్ చేసారు. ఈ చిత్రంలో నిఖిల్ సరసన జోడిగా సంయుక్త నటిస్తుంది. తాజాగా బాహుబలి మరియు RRR వంటి అనేక పురాణ చిత్రాలకు పని చేసిన మాస్టర్ సినిమాటోగ్రాఫర్ KK సెంథిల్ కుమార్ ఈ సినిమా కోసం ఆన్ బోర్డులోకి వచ్చారు. మేకర్స్ విడుదల చేసిన వీడియోలో చూపిన విధంగా ప్రస్తుతం జరుగుతున్న షెడ్యూల్‌లో టాప్ టెక్నీషియన్ ఇప్పటికే బృందంతో చేరారు. ఈ చిత్రంలో నభానటేష్ కీలక పాత్రలో నటిస్తుంది. ఈ పాన్ ఇండియా సినిమాకి రవి బస్రూర్ సంగీతం అందిస్తున్నారు. ఎం ప్రభాహరన్ సెట్టింగ్స్ డిజైన్ చేయగా, వాసుదేవ్ మునెప్పగారి డైలాగ్స్ అందిస్తున్నారు. ఠాగూర్ మధు సమర్పణలో పిక్సెల్ స్టూడియోస్ పతాకంపై భువన్, శ్రీకర్ ఈ చిత్రాన్ని నిర్మిస్తున్నారు.
|
|