కొత్త షెడ్యూల్ ని ప్రారంభించిన 'గేమ్ ఛేంజర్'
cinema | Suryaa Desk | Published : Sat, Jun 08, 2024, 02:52 PM
సెన్సషనల్ డైరెక్టర్ శంకర్ దర్శకత్వంలో మెగా పవర్ స్టార్ రామ్ చరణ్ తన 15వ సినిమా చేస్తున్న సంగతి తెలిసిందే. ఈ చిత్రానికి గేమ్ ఛేంజర్ అనే టైటిల్ ని మూవీ మేకర్స్ లాక్ చేసారు. ఈ సినిమాలో బాలీవుడ్ బ్యూటీ కైరా అద్వానీ కథానాయికగా నటిస్తోంది. తాజాగా మూవీ మేకర్స్ ఈ సినిమా కొత్త షూటింగ్ షెడ్యూల్ ని రాజమండ్రిలో ప్రారంభించారు. ఈ సినిమా షూటింగ్ రామ్ చరణ్ పూర్తి చేయడానికి 9 నుండి 10 రోజుల పోర్షన్ మాత్రమే మిగిలి ఉందని సమాచారం. దీంతో షూటింగ్‌లో తన పార్ట్‌ను ముగించనున్నారు. ఈ సినిమాలో రామ్ చరణ్ ద్విపాత్రాభినయంలో కనిపించనున్నాడు. అరవింద్ స్వామి, ఎస్‌జే సూర్య, సురేష్ గోపి, ఈషా గుప్తా, అంజలి, శ్రీకాంత్, జయరామ్, సునీల్, హ్యారీ జోష్ మరియు నవీన్ చంద్ర ఈ సినిమాలో కీలక పాత్రలలో కనిపించనున్నారు. ఈ మెగా చిత్రానికి థమన్ ఎస్ సౌండ్‌ట్రాక్స్ అందించనున్నారు. దిల్ రాజు తన హోమ్ బ్యానర్ శ్రీ వెంకటేశ్వర క్రియేషన్స్‌పై ఈ సినిమాని నిర్మిస్తున్నారు.
|
|
