ట్రెండింగ్
జూన్ 14న విడుదల కానున్న 'కన్నప్ప' టీజర్
cinema | Suryaa Desk | Published : Mon, Jun 10, 2024, 03:09 PM
టాలీవుడ్ హీరో విష్ణు మంచు కలల ప్రాజెక్ట్ కన్నప్ప చాలా సంవత్సరాల నిరీక్షణ తర్వాత ఎట్టకేలకు ప్రారంభమైంది. మహాభారతం సీరియల్‌కి దర్శకత్వం వహించిన ముఖేష్ కుమార్ సింగ్ ఈ పాన్ ఇండియన్ చిత్రానికి దర్శకత్వం వహించనున్నారు. తాజాగా మూవీ మేకర్స్ ఈ సినిమా టీజర్ ని జూన్ 14, 2024న విడుదల చేస్తున్నట్లు సోషల్ మీడియాలో సరికొత్త పోస్టర్ ని విడుదల చేసి అధికారికంగా ప్రకటించారు. ఈ చిత్రంలో ప్రభాస్, నయనతార, మోహన్‌లాల్, శివ రాజ్‌కుమార్, శరత్‌కుమార్, అక్షయ్ కుమార్ మరియు మధుబాల కీలక పాత్రలు పోషిస్తున్నారు. మణిశర్మ మరియు స్టీఫెన్ దేవాసి ఈ చిత్రానికి సంగీత దర్శకులు. అవా ఎంటర్‌టైన్‌మెంట్, 24 ఫ్రేమ్స్ ఫ్యాక్టరీ బ్యానర్‌లపై కన్నప్పను లెజెండరీ నటుడు మోహన్‌బాబు నిర్మిస్తున్నారు.
|
|