హృతిక్ రోషన్‌తో స్టార్ హిందీ దర్శకుడి తదుపరి చిత్రం
cinema | Suryaa Desk | Published : Thu, Jun 20, 2024, 06:43 PM
కబీర్ ఖాన్ భారతీయ చలనచిత్రంలో అగ్రశ్రేణి దర్శకుల్లో ఒకరు మరియు అనేక యాక్షన్ డ్రామాలను రూపొందించారు. అయితే ఈ స్టార్ డైరెక్టర్ బజరంగీ భాయిజాన్‌ సినిమాకి బాగా పేరు పొందాడు. ఈ చిత్రంలో సల్మాన్ ఖాన్ కథానాయకుడిగా నటించారు. కార్తీక్ ఆర్యన్ ప్రధాన పాత్రలో కబీర్ తన కొత్త చిత్రం చందు ఛాంపియన్‌తో మల్లి ప్రేక్షకుల ముందుకు వచ్చారు. ఈ చిత్రం విమర్శకుల ప్రశంసలు అందుకుంది కానీ బాక్సాఫీస్ వద్ద మాత్రం సరైన వసూళ్లు రాబట్టలేకపోయింది. మరోవైపు, కబీర్ తన తదుపరి చిత్రానికి హృతిక్ రోషన్‌ను సెలెక్ట్ చేశాడని వార్తలు వచ్చాయి. లేటెస్ట్ వార్తల ప్రకారం ఈ ప్రాజెక్ట్ ఒక పీరియడ్ సెటప్‌లో యాక్షన్ డ్రామాగా ఉంటుంది. హృతిక్ ఇప్పుడు అయాన్ ముఖర్జీ దర్శకత్వంలో వార్ 2 సినిమా చేస్తున్నాడు. ఈ సినిమాలో మరో కథానాయకుడిగా ఎన్టీఆర్ కూడా నటిస్తున్నారు. మరి రానున్న రోజుల్లో హృతిక్ తో కబీర్ ఎలాంటి సినిమా తీస్తాడో చూడాలి.
|
|
