శ్రీకాకుళంలో 'తాండల్' టీమ్ కి ఘన స్వాగతం
cinema | Suryaa Desk | Published : Sat, Jun 22, 2024, 05:56 PM
కార్తికేయ 2 దర్శకుడు చందూ మొండేటితో నాగ చైతన్య తన తదుపరి సినిమాని ప్రకటించిన సంగతి అందరికి తెలిసిందే. ఈ చిత్రానికి "తాండల్" అనే టైటిల్ ని మూవీ మేకర్స్ లాక్ చేసారు. ఈ చిత్రం ప్రస్తుతం శరవేగంగా నిర్మాణం జరుపుకుంటోంది. తాజాగా నాగ చైతన్య అండ్ సాయి పల్లవి తాండల్ షూటింగ్ కోసం శ్రీకాకుళం చేరుకోగా అభిమానులు భారీ కోలాహలం మధ్య ఘన స్వాగతం పలికారు. ఈ షెడ్యూల్‌లో లీడ్ పెయిర్ మధ్య కొన్ని కీలక సన్నివేశాలు చిత్రీకరించనున్నారు మరియు ఈ సన్నివేశాలు సినిమాలో ప్రత్యేకంగా నిలుస్తాయని మూవీ మేకర్స్ అంటున్నారు. ఈ లవ్-యాక్షన్ డ్రామాలో సాయి పల్లవి కథానాయికగా నటించింది. ఈ చిత్రంలో చై మత్స్యకారునిగా కనిపించనున్నారు. ఈ చిత్రం 2018లో ఆంధ్రప్రదేశ్‌లోని శ్రీకాకుళంలో జరిగిన వాస్తవ సంఘటనల నుండి స్ఫూర్తిని పొందింది. GA2 పిక్చర్స్‌ పతాకంపై బన్నీ వాస్‌ ఈ చిత్రాన్ని నిర్మిస్తుండగా, ప్రముఖ నిర్మాత అల్లు అరవింద్‌ సమర్పకుడిగా వ్యవహరిస్తున్నారు. రాక్ స్టార్ దేవిశ్రీ ఈ సినిమాకి సంగీతం అందిస్తున్నారు.
|
|