కొత్త షెడ్యూల్ ని ప్రారంభించిన 'SK30'
cinema | Suryaa Desk | Published : Sat, Jun 29, 2024, 04:37 PM
తెలుగు నటుడు సందీప్ కిషన్ తన తదుపరి ప్రాజెక్ట్ ని త్రినాధ రావు నక్కిన దర్శకత్వంలో చేస్తున్న సంగతి అందరికి తెలిసిందే. ఈ చిత్రానికి 'SK30' అనే టైటిల్ ని పెట్టారు. ఇటీవలే ఈ సినిమా పూజా కార్యక్రమాలతో ప్రారంభమైంది. తాజాగా చిత్ర బృందం హైదరాబాద్ శివార్లలోని మోకిల్లాలో చిత్రీకరణ జరుపుకుంటోంది. ఎనిమిది రోజుల ఈ షెడ్యూల్ నేటితో ముగియనుంది. హైదరాబాద్ లో జూలై 8 నుండి తదుపరి షెడ్యూల్ జరగనున్నట్లు సమాచారం. రావు రమేష్, అన్షు ఈ సినిమాలో కీలక పాత్రలలో పోషిస్తున్నారు. ఈ ప్రాజెక్ట్‌కి కథ, స్క్రీన్‌ప్లే మరియు సంభాషణలకు ప్రముఖ రచయిత ప్రసన్న కుమార్ బాధ్యత వహిస్తున్నారు. హాస్య మూవీస్‌, ఏకే ఎంటర్‌టైన్‌మెంట్స్‌ పతాకాలపై ఈ చిత్రాన్ని నిర్మించనున్నారు. పూర్తిస్థాయి ఫ్యామిలీ ఎంటర్‌టైనర్‌గా రూపొందుతున్న ఈ చిత్రాన్ని రాజేష్ దండా నిర్మిస్తుండగా, బాలాజీ గుత్తా సహ నిర్మాతగా వ్యవహరించనున్నారు.
|
|
