'విదా ముయార్చి' లో రెండు డిఫరెంట్ లుక్స్‌లో కనిపించనున్న అజిత్
cinema | Suryaa Desk | Published : Sat, Jul 20, 2024, 04:18 PM
కోలీవుడ్ సూపర్ స్టార్ అజిత్ తన 62వ ప్రాజెక్ట్ ని యువ తమిళ దర్శకుడు మగిజ్ తిరుమేనితో చేస్తున్నట్లు అధికారకంగా ప్రకటించిన సంగతి అందరికి తెలిసిందే. ఈ చిత్రానికి విదా ముయార్చి అనే టైటిల్ ని మూవీ మేకర్స్ లాక్ చేసారు. ఈ సినిమాలో అజిత్ కి జోడిగా తమిళ స్టార్ నటి త్రిష జోడిగా కనిపిస్తుంది. ఈ స్టైలిష్ యాక్షన్ ఎంటర్‌టైనర్‌లో స్టార్ నటుడు రెండు విభిన్న రూపాల్లో కనిపించనున్నారు. ప్రస్తుతం, అజర్‌బైజాన్‌లో ఒక షెడ్యూల్ జరుగుతోంది. ఇది జూలై 23 నాటికి పూర్తవుతుంది. ఆ తర్వాత, హైదరాబాద్‌లో 8 రోజుల షూటింగ్ ప్లాన్ చేయబడింది. దానితో మొత్తం షూటింగ్‌ను మూవీ మేకర్స్ ముగించనున్నారు అని సమాచారం. ఈ సినిమాలో రెజినా కాసాండ్రా, ఆరవ్, అర్జున్ కీలక పాత్రలలో నటిస్తున్నారు. అందరూ ఎంతో ఆసక్తిగా ఎదురుచూస్తున్న ఈ బిగ్గీలో హిందీ నటుడు సంజయ్ దత్ కూడా ఒక ముఖ్యమైన పాత్రలో నటిస్తున్నారు. అనిరుధ్ రవిచందర్ ఈ హై బడ్జెట్ ఎంటర్‌టైనర్‌కు సంగీతం అందిస్తున్నారు. ఈ ప్రాజెక్ట్‌ని లైకా ప్రొడక్షన్స్ నిర్మిస్తోంది.
|
|
