పోసిటివ్ రెస్పాన్స్ ని అందుకున్న రాజ్ తరుణ్ 'పురుషోత్తముడు' మూవీ...
cinema | Suryaa Desk | Published : Mon, Jul 29, 2024, 01:05 PM
రాజ్‌తరుణ్‌ కథానాయకుడిగా రూపొందిన చిత్రం 'పురుషోత్తముడు'. ఈ సినిమాలో హాసిని సుధీర్‌ హెరాయిన్ గా నటించింది. దర్శకుడు రామ్ భేమన్న ఈ సినిమాను తెరకెక్కించాడు. ఈ చిత్రం సక్సెస్‌మీట్‌ని శనివారం హైదరాబాద్‌లో నిర్వహించారు. నిర్మాతల అభిరుచి వల్లే ఈ విజయం సాధ్యమైందని, ప్రేక్షకుల నుంచి కూడా అద్భుతమైన స్పందన వస్తున్నదని, పూల రైతుల సమస్యలకు తెరరూపం ఇవ్వడం మేం చేసిన వినూత్న ప్రయత్నమని దర్శకుడు చెప్పారు. "పురుషోత్తముడు" సినిమాకు వస్తున్న రెస్పాన్స్ చూస్తుంటే చాలా సంతోషంగా ఉందని దర్శకుడు రామ్ భీమన తెలిపారు. పురుషోత్తముడు సినిమా కథ విన్నప్పుడే విజువల్ గా చాలా బ్యూటిఫుల్ గా ఉంటుందని అనుకున్నానని సినిమాటోగ్రాఫర్ పి.జి.విందా తెలిపారు. మరో కాస్ట్లీ లొకేషన్ కు వెళ్లేందుకు ప్రొడ్యూసర్ ఒప్పుకున్నా..మా డైరెక్టర్ రామ్ గారు కడియపులంకలోనే మూవీ చేయాలని ఫిక్స్ అయ్యారు. అది దర్శకుడిగా ఆయనలోని జెన్యూనిటీకి నిదర్శనం. డైరెక్టర్ గారి ప్లానింగ్ వల్లే "పురుషోత్తముడు" సినిమాలో విజువల్స్ కు అంత మంచి పేరు వస్తోంది అని అన్నారు.
|
|