ట్రెండింగ్
మెగాస్టార్ సరసన శ్రద్ధా శ్రీనాథ్?
cinema | Suryaa Desk | Published : Tue, May 28, 2019, 11:58 AM
తెలుగు తెరకి ఈ మధ్య కాలంలో పరిచయమైన అందమైన కథానాయికలలో శ్రద్ధా శ్రీనాథ్ ఒకరు. కన్నడలో ఆమె చేసిన 'యూ టర్న్' హిట్ కావడంతో అక్కడ ఈ సుందరికి వరుస అవకాశాలు వస్తున్నాయి. ఆ సినిమాలో అమ్మడి సహజమైన నటనను చూసే, తెలుగులో 'జెర్సీ'లో అవకాశం ఇచ్చారు. 'జెర్సీ' సినిమా విజయవంతం కావడంతో, శ్రద్ధా ఇక్కడ కూడా నటన పరంగా .. గ్లామర్ పరంగా మంచి మార్కులు కొట్టేసింది.
దాంతో ఈ అమ్మాయిని తమ సినిమాల్లోకి తీసుకోవడానికి దర్శక నిర్మాతలు ఆసక్తిని చూపుతున్నారు. ఆ జాబితాలో కొరటాల శివ కూడా కనిపిస్తున్నారు. చిరంజీవితో ఆయన ఒక సినిమాను రూపొందించనున్న సంగతి తెలిసిందే. ఈ సినిమాలో ఆయన సరసన ప్రధాన నాయికగా అనుష్క పేరును పరిశీలిస్తున్నారు. మరో కథానాయికగా శ్రద్ధా శ్రీనాథ్ ను ఎంపిక చేసే ఆలోచనలో వున్నారని తెలుస్తోంది.
|
|