సరైన సమయంలో వచ్చా
cinema | Suryaa Desk | Published : Thu, May 30, 2019, 11:08 AM
స్టూడెంట్ ఆఫ్ ద ఇయర్ 2 చిత్రంతో బాలీవుడ్లో తెరంగేట్రం చేసింది తారా సుతారియా. అందంతో పాటు ప్రతిభ గల ఈ నాయికకు ఇంతకుముందు గాయనిగా మంచి పేరుంది. స్టూడెంట్ ఆఫ్ ద ఇయర్ 2 సినిమాలో పాట కూడా పాడింది. సినిమా పరిశ్రమలో ప్రస్తుతం నాయికలకు గొప్ప దశ నడుస్తోందని, ఇలాంటి సమయంలో తాను అరంగేట్రం చేయడం అదృష్టంగా భావిస్తున్నట్లు తారా చెప్పింది. ఈ నాయిక మాట్లాడుతూ…తారలకు అద్భుతమైన సమయమిది. నాయికలకు సినిమాల్లో కీలక పాత్రలు ఇస్తున్నారు. హీరోలతో సమానంగా నటించే అవకాశం దక్కుతోంది. ఇలాంటి సమయంలో నేను నాయికగా అరంగేట్రం చేయడం సంతోషంగా ఉంది. నాయిక ప్రధాన చిత్రాలు చూస్తుంటే ఉద్వేగంగా అనిపిస్తోంది.
చిత్ర పరిశ్రమకు వచ్చాక నా జీవితం మారి పోయింది. ఇంతకముందు మీడియా, ప్రజలు నన్ను గుర్తించేవారు కాదు. ఇప్పుడు ఎక్కడికి వెళ్లినా అనుసరిస్తున్నారు. మాట్లాడుతున్నారు. ప్రేమ కురిపిస్తున్నారు. వాళ్ల ప్రేమే మరింత కష్టపడేలా చేస్తోంది. అని చెప్పింది. స్టూడెంట్ ఆఫ్ ద ఇయ ర్ చిత్రానికి ముందు అల్లాడిన్ అనే అంత ర్జాతీయ సినిమా తారా సుతారియా చేజారింది. ఇటీ వలే ఈ సినిమా ప్రేక్షకుల ముందుకొచ్చింది.
|
|