'VD12' గురించి సాలిడ్ అప్డేట్ ని వెల్లడించిన నాగ వంశీ
cinema | Suryaa Desk | Published : Thu, Aug 15, 2024, 04:40 PM
టాలీవుడ్ యంగ్ అండ్ టాలెంటెడ్ హీరో విజయ్ దేవరకొండ తన తదుపరి ప్రాజెక్ట్ ని గౌతమ్ తిన్ననూరి దర్శకత్వంలో ప్రకటించిన సంగతి అందరికి తెలిసిందే. ఈ చిత్రానికి 'VD12' అనే టైటిల్ ని పెట్టారు. ఈ యాక్షన్ డ్రామా ఫస్ట్ లుక్ కొన్ని రోజుల క్రితం విడుదలై సంచలనం సృష్టించింది. ఈ సినిమా రెండు భాగాలుగా రూపొందుతోన్న విషయం తెలిసిందే. నిర్మాత నాగ వంశీ ఈ సినిమా గురించి దాని ఫలితం గురించి మరోసారి ఓపెన్ అయ్యాడు. ఓ ఇంటర్వ్యూలో మాట్లాడిన నాగ వంశీ.. ఫస్ట్ పార్ట్ క్లిక్ అయితేనే సెకండ్ పార్ట్ రిలీజ్ అవుతుంది. నా సినిమాను రిస్క్ చేయడం నాకు ఇష్టం లేదు. రెండు భాగాలకు సరిపోయే ఘన కంటెంట్ ఉంది. అయితే రెస్పాన్స్‌ని బట్టి రెండో భాగం విడుదల కానుంది. గౌతమ్ ఈ చిత్రానికి కథ అందించారు. సినిమా హిట్ అవుతుందనే నమ్మకం ఉంది అని నాగ వంశీ అన్నారు. శ్రీకర స్టూడియోస్ సమర్పణలో సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్ సంయుక్తంగా ఈ చిత్రాన్ని నిర్మిస్తున్నాయి. ఈ సినిమాలో భాగ్యశ్రీ బోర్సే కథానాయికగా నటిస్తున్నారు. సౌత్ ఇండియన్ సెన్సేషన్ అనిరుధ్ రవిచందర్ ఈ సినిమాకి సంగీతం సమకూరుస్తున్నారు.
|
|