'క' ఫస్ట్ సింగల్ కి భారీ రెస్పాన్స్

టాలీవుడ్ యంగ్ హీరో కిరణ్ అబ్బవరం ఇటీవలే పీరియాడికల్ థ్రిల్లర్ 'క' అనే చిత్రాన్ని ప్రకటించారు. ఆసక్తికరమైన టైటిల్ మరియు టీజర్ ప్రాజెక్ట్ చుట్టూ మంచి బజ్ క్రియేట్ చేసాయి. ఈ సినిమాలో కిరణ్ అబ్బవరం సరసన నయన్ సారిక జోడిగా నటిస్తుంది. ఈ సినిమాలో నటి సత్యభామ అనే పాత్రలో కనిపించనుంది. యువ దర్శకులు సుజీత్ మరియు సందీప్ ఈ చిత్రానికి దర్శకత్వం వహిస్తున్నారు. ఈ చిత్రం విలేజ్ బ్యాక్‌డ్రాప్‌లో యాక్షన్-ప్యాక్డ్ థ్రిల్లర్ కథాంశంతో రూపొందించబడింది. ఇటీవలే మూవీ మేకర్స్ ఈ సినిమా యొక్క మొదటి సింగిల్ ని వరల్డ్ అఫ్ వాసుదేవ్ అనే టైటిల్ తో విడుదల చేసారు. సామ్ సిఎస్ స్వరపరిచి కపిల్ కపిలన్ పాడిన ఈ పాట ఒంటరితనం మరియు ఆత్మపరిశీలనతో కలకాలం సాగే ప్రయాణాన్ని సంగ్రహిస్తుంది. సనాపతి భరద్వాజ్ సాహిత్యంతో, ట్రాక్ సినిమా ఇతివృత్తాలకు టోన్ సెట్ చేస్తుంది. తాజాగా ఇప్పుడు ఈ సాంగ్ వన్ మిలియన్ వ్యూస్ తో యూట్యూబ్ ట్రేండింగ్ లో ఉన్నట్లు సమాచారం. ఈ విషయాని తెలియజేసేందుకు చిత్ర బృందం సోషల్ మీడియాలో సరికొత్త వీడియోని విడుదల చేసింది. ఎడిటర్ శ్రీ వరప్రసాద్, సినిమాటోగ్రాఫర్లు విశ్వాస్ డేనియల్ మరియు సతీష్ రెడ్డితో సహా సాంకేతిక బృందంతో 'క' థ్రిల్లింగ్ ఎక్స్‌పీరియన్స్‌గా ఉంటుందని హామీ ఇచ్చారు. ఈ సినిమా తమిళం, మలయాళం, కన్నడ, తెలుగు భాషల్లో ప్రేక్షకుల ముందుకు రానుంది. ప్రముఖ డిస్ట్రిబ్యూటర్ వంశీ నందిపతి ఈ సినిమా థియేట్రికల్ హక్కులను సొంతం చేసుకున్నారు. ఈ సినిమాలో తన్వి రామ్ కీలక పాత్రలు పోషించారు. ఈ చిత్రాన్ని శ్రీచక్రాస్ ఎంటర్‌టైన్‌మెంట్స్ పతాకంపై చింతా గోపాలకృష్ణ రెడ్డి నిర్మించగా, శ్రీమతి చింతా వరలక్ష్మి సమర్పిస్తున్నారు.