'మారుతీ నగర్‌ సుబ్రమణ్యం' ప్రీ రిలీజ్ ఈవెంట్ కి వెన్యూ లాక్
cinema | Suryaa Desk | Published : Tue, Aug 20, 2024, 08:41 PM
లక్ష్మణ్ కార్య దర్శకత్వంలో రావు రమేష్‌ ఒక ప్రాజెక్ట్ ని ప్రకటించిన సంగతి అందరికి తెలిసిందే. ఈ చిత్రానికి మూవీ మేకర్స్ 'మారుతీ నగర్‌ సుబ్రమణ్యం' అనే టైటిల్ ని లాక్ చేసారు. తాజాగా మూవీ మేకర్స్ ఈ సినిమా యొక్క ప్రీ రిలీజ్ ఈవెంట్ ని రేపు సాయంత్రం 6 గంటలకి హైదరాబాద్ లోని పార్క్ హయాత్ లో నిర్వహిస్తున్నట్లు ప్రకటించారు. అంతేకాకుండా ఈ ఈవెంట్ కి చీఫ్ గెస్ట్స్ గా ఐకాన్ స్టార్ అల్లు అర్జున్ మరియు స్టార్ డైరెక్టర్ సుకుమార్ హాజరుకానున్నట్లు ప్రకటించారు. ఈ విషయాన్ని తెలియజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసారు. పూర్తిగా వినోదభరితమైన కామెడీ-డ్రామాగా పేర్కొనబడిన ఈ చిత్రాన్ని క్రియేటివ్ ఫిల్మ్ మేకర్ సుకుమార్ భార్య తబిత సుకుమార్ సమర్పిస్తున్నారు. మైత్రీ మూవీ మేకర్స్ ఈ చిత్రాన్ని తెలుగు రాష్ట్రాల్లో ఆగస్టు 23న గ్రాండ్‌గా విడుదల చేస్తున్నారు. ఈ చిత్రంలో అంకిత్ కొయ్య, ఇంద్రజ, రమ్య కీలక పాత్రలు పోషిస్తున్నారు.
|
|