'మారుతీ నగర్‌ సుబ్రమణ్యం' గ్రాండ్ ప్రీమియర్ షోకి టైమ్ లాక్
cinema | Suryaa Desk | Published : Wed, Aug 21, 2024, 04:35 PM
లక్ష్మణ్ కార్య దర్శకత్వంలో రావు రమేష్‌ ఒక ప్రాజెక్ట్ ని ప్రకటించిన సంగతి అందరికి తెలిసిందే. ఈ చిత్రానికి మూవీ మేకర్స్ 'మారుతీ నగర్‌ సుబ్రమణ్యం' అనే టైటిల్ ని లాక్ చేసారు. తాజాగా ఇప్పుడు ప్రొడక్షన్ హౌస్ ఈ సినిమా గ్రాండ్ ప్రీమియర్ షోని ఆగష్టు 22న హైదరాబాద్ లోని AMB సినిమాస్ లో సాయంత్రం 7:40 గంటలకి ప్లాన్ చేసినట్లు ప్రకటించారు. ఈ విషయాన్ని తెలియజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసారు. ఇటీవలే విడుదలైన ఈ సినిమా ట్రైలర్ మూవీ పై భారీ బజ్ ని క్రియేట్ చేసింది. ఈ సినిమా ప్రీ రిలీజ్ ఈవెంట్ ని ఈరోజు నిర్వహిస్తున్నట్లు మూవీ మేకర్స్ ఇప్పటికే ప్రకటించారు. పూర్తిగా వినోదభరితమైన కామెడీ-డ్రామాగా పేర్కొనబడిన ఈ చిత్రాన్ని క్రియేటివ్ ఫిల్మ్ మేకర్ సుకుమార్ భార్య తబిత సుకుమార్ సమర్పిస్తున్నారు. మైత్రీ మూవీ మేకర్స్ ఈ చిత్రాన్ని తెలుగు రాష్ట్రాల్లో ఆగస్టు 23న గ్రాండ్‌గా విడుదల చేస్తున్నారు. ఈ చిత్రంలో అంకిత్ కొయ్య, ఇంద్రజ, రమ్య కీలక పాత్రలు పోషిస్తున్నారు.
|
|