బాక్సాఫీస్‌ వద్ద దూసుకెళ్తోన్న 'సరిపోదా శనివారం.. 2 లక్షలకు పైగా టికెట్లు బుక్‌
cinema | Suryaa Desk | Published : Sun, Sep 01, 2024, 12:48 PM
నాని హీరోగా నటించిన కొత్త చిత్రం 'సరిపోదా శనివారం' . యాక్షన్‌ థ్రిల్లర్‌గా తెరకెక్కిన ఈ చిత్రానికి వివేక్‌ ఆత్రేయ దర్శకత్వం వహించారు.ఎస్‌.జె.సూర్య కీలక పాత్ర పోషించారు. ప్రియాంక మోహన్‌ కథానాయిక. గురువారం ప్రేక్షకుల ముందుకు వచ్చిన ఈ సినిమా భారీ బుకింగ్స్‌తో బాక్సాఫీస్‌ వద్ద దూసుకెళ్తోంది. బుక్‌ మై షో పోర్టల్‌ వేదికగా 24 గంటల్లో 2 లక్షలకు పైగా టికెట్లు బుక్‌ అయ్యాయి. మరోవైపు, వసూళ్లలోనూ దీని హవా ఏమాత్రం తగ్గడం లేదు. మూడు రోజుల్లోనే ప్రపంచవ్యాప్తంగా రూ.50 కోట్లు (గ్రాస్‌) రాబట్టింది. 1.5 మిలియన్‌ డాలర్లతో ఉత్తర అమెరికాలో తొలి బ్రేక్‌ ఈవెన్‌ సొంతం చేసుకుంది. దీనిపై నాని అభిమానులు హర్షం వ్యక్తం చేస్తున్నారు. 'సరిపోదా శనివారం' మేకింగ్‌ను ఉద్దేశించి పోస్టులు పెడుతున్నారు. ముఖ్యంగా దయానంద్‌గా నటించిన ఎస్‌.జె.సూర్యను మెచ్చుకుంటున్నారు. అద్భుతమైన బ్యాక్‌గ్రౌండ్‌ స్కోర్‌ అందించిన జేక్స్‌ బిజోయ్‌ను ప్రశంసిస్తున్నారు.
|
|