సంయుక్త కి పుట్టినరోజు శుభాకాంక్షలు తెలియజేసిన 'BSS12' టీమ్

యాక్షన్ హీరో బెల్లంకొండ సాయి శ్రీనివాస్ 12వ చిత్రాన్ని లెజెండ్ కోడి రామకృష్ణ గారి 75వ జయంతి సందర్భంగా అధికారికంగా ప్రకటించారు. BSS12 అని తాత్కాలికంగా పేరు పెట్టబడిన ఈ సినిమా 10 ఏళ్లు పూర్తి చేసుకున్న బెల్లంకొండ సాయి శ్రీనివాస్‌కి ప్రతిష్టాత్మక చిత్రం. BSS12 భారీ బడ్జెట్ మరియు అత్యున్నత సాంకేతిక విలువలతో భారీ స్థాయిలో మౌంట్ చేయబడుతోంది. ఈ చిత్రానికి నూతన దర్శకుడు లుధీర్ బైరెడ్డి దర్శకత్వం వహిస్తున్నారు. తాజాగా మూవీ మేకర్స్ ఈ సినిమాలో మహిళా ప్రధాన పాత్రలో నటిస్తున్న సంయుక్త కి పుట్టినరోజు శుభాకాంక్షలు తెలియజేస్తూ స్పెషల్ పోస్టర్ ని విడుదల చేసారు. బెల్లంకొండ సాయి శ్రీనివాస్‌కి అత్యంత భారీ బడ్జెట్ చిత్రంగా శివన్ రామకృష్ణ సమర్పిస్తున్నారు. 400 ఏళ్ల నాటి గుడి చుట్టూ ఒక క్షుద్ర థ్రిల్లర్‌గా రూపొందించబడిన ఈ చిత్రం బెల్లంకొండ సాయి శ్రీనివాస్‌ను మునుపెన్నడూ చూడని అవతార్‌లో ప్రదర్శించనుంది. ఇటీవలే విడుదల చేసిన అనౌన్స్‌మెంట్ పోస్టర్‌లో కథానాయకుడు పురాతన ఆలయం ముందు నిలబడి ఉన్నాడు. గుడిపై సూర్యకిరణాలు పడడంతో పోస్టర్ నిండా దివ్య ప్రకంపనలతో ఉంది. బెల్లంకొండ సాయిశ్రీనివాస్ గుడిలో తుపాకీ పట్టుకుని చూస్తున్నాడు. ఈ పోస్టర్ ప్రేక్షకులని ఆకట్టుకుంది. ఈ సినిమా రెండో షెడ్యూల్ ఇటీవలే ప్రారంభం అయ్యింది. ఈ చిత్రంలో శ్రీనివాస్ సరసన సంయుక్త జోడిగా నటిస్తుంది. ఈ సినిమాకి శివేంద్ర కెమెరా క్రాంక్ చేయగా, లియోన్ జేమ్స్ సంగీతం అందిస్తున్నారు. కార్తీక శ్రీనివాస్ ఆర్ ఎడిటర్, శ్రీనాగేంద్ర తంగాల ఆర్ట్ డైరెక్టర్ గా ఉన్నారు. మూన్‌షైన్ పిక్చర్స్‌పై మహేష్ చందు ఈ సినిమాని నిర్మిస్తున్నారు.