'జీబ్రా' మోషన్ పోస్టర్ కి భారీ రెస్పాన్స్
cinema | Suryaa Desk | Published : Thu, Sep 19, 2024, 04:16 PM
తెలుగు టాలెంటెడ్ యాక్టర్ సత్య దేవ్ జీబ్రా అనే మరో డిఫరెంట్ సినిమాతో ప్రేక్షకులని అలరించటానికి సిద్ధంగా ఉన్నారు. ఈ చిత్రంలో కన్నడ నటుడు ధనంజయ ప్రధాన పాత్రలో ఒకరు. లక్ ఫేవర్స్ ది బ్రేవ్ అనేది ఈ సినిమా ట్యాగ్‌లైన్. ఈ సినిమా షూటింగ్ పూర్తి చేసుకుంది మరియు ప్రస్తుతం పోస్ట్ ప్రొడక్షన్ పనులు జరుగుతున్నాయి. తాజాగా మూవీ మేకర్స్ ఈ సినిమా యొక్క విడుదల తేదీని ప్రకటించారు. ఈ సినిమా అక్టోబర్ 31న తెలుగు, తమిళ్, కన్నడ, మలయాళం, హిందీలో విడుదల కానుంది. ఇటీవలే మూవీ మేకర్స్ ఈ సినిమా మోషన్ పోస్టర్ ని విడుదల చేసారు. తాజాగా ఇప్పుడు ఈ మోషన్ పోస్టర్ వన్ మిలియన్ వ్యూస్ ని సొంతం చేసుకున్నట్లు సమాచారం. ఈ విషయాన్ని తెలియజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసారు. ఈ మల్టీ స్టారర్‌కి ఈశ్వర్ కార్తీక్ దర్శకత్వం వహిస్తున్నారు. ఈ క్రైమ్ యాక్షన్ ఎంటర్‌టైనర్‌లో ప్రియా భవానీ శంకర్ మరియు జెన్నిఫర్ పిక్కినాటో మహిళా ప్రధాన పాత్రలు పోషించారు. ప్రముఖ నటుడు సత్యరాజ్, సత్య ఆకల, సునీల్, ప్రియా భవాని శంకర్ ఇతరలు ఈ చిత్రంలో కీలక పాత్రలో నటిస్తున్నారు. ఈ సినిమాకి కేజీఎఫ్ ఫేమ్ రవి బస్రూర్ సంగీతం సమకూరుస్తున్నారు. ఈ చిత్రానికి సత్య పొన్మార్ సినిమాటోగ్రాఫర్ కాగా మీరాఖ్ డైలాగ్స్ రాస్తుండగా, అనిల్ క్రిష్ ఎడిటింగ్ చూసుకుంటున్నారు. ఈ చిత్రాన్ని పద్మజ ఫిలింస్ ప్రైవేట్ లిమిటెడ్, ఓల్డ్ టౌన్ పిక్చర్స్ బ్యానర్లపై ఎస్ ఎన్ రెడ్డి, ఎస్ పద్మజ, బాల సుందరం, దినేష్ సుందరం నిర్మిస్తున్నారు.
|
|