'దేవర పార్ట్ 1' పది రోజుల వరల్డ్ వైడ్ గ్రాస్ ఎంతంటే...!

జూనియర్ ఎన్టీఆర్ తాజా చిత్రం "దేవర పార్ట్ 1" బాక్సాఫీస్ వద్ద దూసుకుపోతుంది. ప్రతి ప్రాంతంలో కొత్త రికార్డులను నెలకొల్పింది. మిశ్రమ సమీక్షలు ఉన్నప్పటికీ ఈ చిత్రం ఆకట్టుకునే వసూళ్లను సాధించింది. యుఎస్‌లో "దేవర పార్ట్ 1" రికార్డులను బద్దలు కొట్టింది ప్రీ-సేల్స్‌లో $5.8 మిలియన్లను సంపాదించి, అన్ని భారతీయ చిత్రాలను అధిగమించింది. హిందీ బెల్ట్‌లో రోజురోజుకు కలెక్షన్లు పెరుగుతుండడంతో సినిమా ప్రజాదరణ స్పష్టంగా కనిపిస్తోంది. దసరా సీజన్‌తో సెలవులు వచ్చే కలెక్షన్లను మరింతగా పెంచుకోవాలని భావిస్తున్నారు. అనిరుధ్ సౌండ్‌ట్రాక్ కూడా సినిమా విజయానికి గణనీయంగా దోహదపడింది. ఇప్పటికే తెలంగాణ సహా పలు ప్రాంతాల్లో సేఫ్ జోన్‌లో ఉన్న ఈ సినిమా 44 కోట్లకు అమ్ముడు పోవడంతో నిరంతర విజయంపై అంచనాలు భారీగా ఉన్నాయి. తాజాగా ఇప్పుడు ఈ సినిమా వరల్డ్ వైడ్ బాక్స్ఆఫీస్ వద్ద పది రోజులలో 466 కోట్లు వాసులు చేసినట్లు సమాచారం. ఈ విషయాని మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసి ప్రకటించారు. ఈ చిత్రంలో జూనియర్ ఎన్టీఆర్ సరసన జాన్వీ కపూర్ నటిస్తుండగా, సైఫ్ అలీ ఖాన్ ప్రతినాయకుడి పాత్రలో నటిస్తున్నారు. ఈ చిత్రంలో తారక్ పొన్నప, శృతి మురాతి, వంశి, శ్రీను, హిమజ, అజయ్ కీలక పాత్రలో నటిస్తున్నారు. కళ్యాణ్ రామ్ సమర్పణలో ఎన్టీఆర్ ఆర్ట్స్ పతాకంపై సుధాకర్ మిక్కిలినేని, కొసరాజు హరికృష్ణ నిర్మిస్తున్న "దేవర: పార్ట్ 1" ఎపిక్ సినిమాటిక్ ఎక్స్‌పీరియన్స్‌గా నిలుస్తుంది. యువసుధ ఆర్ట్స్ మరియు ఎన్టీఆర్ ఆర్ట్స్ సంయుక్తంగా ఈ చిత్రాన్ని నిర్మించారు. ఈ సినిమాకి అనిరుద్ సంగీతాన్ని అందించారు.