కిచ్చా సుదీప్ ఇంట్లో తీవ్ర విషాదం
cinema | Suryaa Desk | Published : Sun, Oct 20, 2024, 02:39 PM
చిత్ర పరిశ్రమలో విషాదం నెలకొంది. కన్నడ స్టార్ కిచ్చా సుదీప్ తల్లి సరోజా సంజీవ్ అనారోగ్యంతో మరణించారు. 86 ఏళ్ల సరోజా సంజీవ్, బెంగళూరు ఆసుపత్రిలో చికిత్స పొందుతూ ఆదివారం తెల్లవారుజామున తుది శ్వాస విడిచారు.కిచ్చా సుదీప్ నటించిన 'విక్రాంత్ రోణా' మంచి విజయం అందుకుంది. ఆ తర్వాత ఉపేంద్ర హీరోగా వచ్చిన పాన్ ఇండియా మూవీ 'కబ్జా' మూవీలో ఓ స్పెషల్ రోల్ చేశాడు సుదీప్..ప్రస్తుతం విజయ్ కార్తికేయ దర్శకత్వంలో 'మ్యాక్స్' అనే మూవీ చేస్తున్నాడు కిచ్చా సుదీప్... వరలక్ష్మీ శరత్ కుమార్, సంయుక్తా ముఖ్య పాత్రల్లో నటిస్తున్న 'మ్యాక్స్' మూవీ, ఈ ఏడాది డిసెంబర్లో రిలీజ్ కావాల్సి ఉంది.. ఈ మూవీ షూటింగ్లో బిజీగా ఉన్న సుదీప్, తల్లి మరణంతో బెంగళూరుకి చేరుకున్నాడు. నేటి సాయంత్రం 5 గంటలకు బెంగళూరులో అంత్యక్రియలు జరగబోతున్నాయి. కిచ్చా సుదీప్ తల్లి మరణంపై సినీ ప్రముఖులు ప్రగాఢ సానుభూతి వ్యక్తం చేశారు..కర్ణాటక డిప్యూటీ ముఖ్య మంత్రి డీ కే శివకుమార్, సోషల్ మీడియా ద్వారా కిచ్చా సుదీప్కి సానుభూతి తెలిపారు.
|
|