నెట్ ఫ్లిక్స్ ఫ్లాట్ ఫామ్ పైకి 'దేవర'
cinema | Suryaa Desk | Published : Mon, Nov 04, 2024, 03:05 PM_1053.jpg)
ఈ శుక్రవారం ఓటీటీ ఫ్లాట్ ఫామ్స్ పై కాస్త గట్టిగానే సందడి కనిపించనుంది. భారీ సినిమాలు ఈ శుక్రవారం ప్రేక్షకులకు అందుబాటులోకి రానున్నాయి. ఆ జాబితాలో దేవర .. వేట్టయన్ .. ARM .. జనక అయితే గనక కనిపిస్తున్నాయి. కొరటాల - ఎన్టీఆర్ కాంబినేషన్లో రూపొందిన 'దేవర' .. సెప్టెంబర్ 27న థియేటర్లకు వచ్చింది. మిక్స్డ్ టాక్ తెచ్చుకున్న ఈ సినిమా, ఈ నెల 8వ తేదీ నుంచి 'నెట్ ఫ్లిక్స్' లో స్ట్రీమింగ్ కానుంది. అదే రోజున అమెజాన్ ప్రైమ్ లో 'వేట్టయన్' ప్రేక్షకులను పలకరించనుంది. రజనీకాంత్ - జ్ఞానవేల్ కాంబినేషన్లో అక్టోబర్ 10న థియేటర్లకు వచ్చిన ఈ సినిమా, తమిళనాట భారీ విజయాన్ని అందుకుంది. లైకా ప్రొడక్షన్స్ వారి బ్యానర్లో నిర్మితమైన ఈ సినిమా, తమిళనాట రికార్డుస్థాయి వసూళ్లను రాబట్టింది. తెలుగులోనూ ఈ సినిమా మంచి మార్కులు కొట్టేసింది. అనిరుధ్ నేపథ్య సంగీతం ఈ సినిమాకు హైలైట్ గా నిలిచింది. మలయాళంలో నిర్మితమైన 'ARM' ఈ శుక్రవారమే హాట్ స్టార్ వేదికపైకి వస్తోంది. టోవినో థామస్ - కృతి శెట్టి ప్రధానమైన పాత్రలను పోషించిన సినిమా ఇది. సెప్టెంబర్ 12న విడుదలైన ఈ సినిమా, హిట్ టాక్ ను సంపాదించుకుంది. 30 కోట్లతో నిర్మించిన ఈ సినిమా, 100 కోట్లకి పైగా వసూళ్లను రాబట్టడం విశేషం. ఇక సుహాస్ - సంకీర్తన జంటగా నటించిన 'జనక అయితే గనక' కూడా ఇదే రోజున 'ఆహా'లో స్ట్రీమింగ్ కానుంది
|
|