నెల రోజుల కౌంట్‌డౌన్ లో రానున్న 'పుష్ప 2'
cinema | Suryaa Desk | Published : Tue, Nov 05, 2024, 02:53 PM
భారతీయ చిత్రసీమలో అత్యంత ఆసక్తిగా ఎదురుచూస్తున్న చిత్రాలలో పుష్ప 2 ఒకటి. డిసెంబర్ 5, 2024న ప్రేక్షకుల ముందుకు రానున్న ఈ చిత్రాన్ని మరో స్థాయికి తీసుకెళ్లేందుకు మేకర్స్ భారీ ప్లాన్‌లో ఉన్నారు. తాజాగా ఇప్పుడు మూవీ మేకర్స్ ఈ సినిమా 30 రోజులలో థియేటర్స్ లో సందడి చేయటానికి సిద్ధంగా ఉన్నట్లు సోషల్ మీడియాలో స్పెషల్ పోస్టర్ ని విడుదల చేసి ప్రకటించారు. అంతేకాకుండా త్వరలో ట్రైలర్ ని విడుదల చేయనున్నట్లు ప్రకటించారు. ట్రేడ్ రిపోర్ట్స్ ప్రకారం 1000 కోట్ల ప్రీ-రిలీజ్ బిజినెస్ తో ఈ సినిమా చరిత్ర సృష్టించడానికి సిద్ధంగా ఉంది. 'పుష్ప' మొదటి భాగం 150 కోట్ల బడ్జెట్‌తో ప్రపంచవ్యాప్తంగా బాక్సాఫీస్ వద్ద 350 కోట్లకు పైగా సంపాదించి అల్లు అర్జున్‌ను పాన్-ఇండియా స్టార్‌గా మార్చింది. 400 కోట్ల బడ్జెట్‌తో 'పుష్ప 2'పై అంచనాలు ఎక్కువగా ఉన్నాయి. ఈ చిత్రం రికార్డులను బద్దలు కొడుతుందని మరియు కొత్త బెంచ్‌మార్క్‌లను సెట్ చేస్తుందని అభిమానులు మరియు పరిశ్రమ నిపుణులు అంచనా వేస్తున్నారు. రష్మిక మందన్న మహిళా కథానాయికగా నటిస్తుండగా, ఈ యాక్షన్ డ్రామాలో ఫహద్ ఫాసిల్, ధనంజయ, సునీల్, అనసూయ, రావు రమేష్, డివి వడ్త్యా మరియు జగదీష్ ప్రతాప్ బండారి కీలక పాత్రల్లో నటిస్తున్నారు. మైత్రీ మూవీ మేకర్స్ ఈ భారీ ఎంటర్‌టైనర్‌ను నిర్మిస్తోంది. ఈ సినిమాకి దేవి శ్రీ ప్రసాద్ స్వరాలు సమకూరుస్తున్నారు.
|
|