విడుదల తేదీని లాక్ చేసిన 'తాండల్'
cinema | Suryaa Desk | Published : Tue, Nov 05, 2024, 04:36 PM
చందూ మొండేటి దర్శకత్వంలో టాలీవుడ్ యువ సామ్రాట్ నాగ చైతన్య తన తదుపరి ప్రాజెక్ట్ ని ప్రకటించిన సంగతి అందరికి తెలిసిందే. ఈ సినిమాకి మూవీ మేకర్స్ 'తాండల్' అనే టైటిల్ ని లాక్ చేసారు. ఈ పాన్ ఇండియన్ యాక్షన్ డ్రామా చైతన్య కెరీర్‌లోనే అత్యంత భారీ వ్యయంతో కూడుకున్న ప్రాజెక్ట్. ఎంతో ఆసక్తిగా ఎదురుచూస్తున్న పాన్-ఇండియన్ చిత్రం తాండల్ ఫిబ్రవరి 7, 2025న ప్రపంచవ్యాప్తంగా థియేటర్లలో విడుదల కానుందని అధికారికంగా ప్రకటించబడింది. చిత్ర నిర్మాతలు నిర్వహించిన ప్రత్యేక కార్యక్రమంలో విడుదల తేదీని వెల్లడించారు. చివరి 10 రోజుల షూటింగ్ త్వరలో పూర్తవుతుందని, ఆ తర్వాత టీమ్ పూర్తి స్థాయి ప్రమోషన్‌లను ప్రారంభించి పోస్ట్ ప్రొడక్షన్‌ను పూర్తి చేస్తుందని దర్శకుడు చందూ మొండేటి పంచుకున్నారు. ఈ చిత్రంలో సాయి పల్లవి కథనాయికగా నటిస్తుంది. ఈ సినిమాలో ప్రియదర్శి, దివ్య పిళై కీలక పాత్రలలో నటిస్తున్నారు. "తాండేల్" దాని ఆకట్టుకునే కథాంశంతో మరియు దేవిశ్రీ ప్రసాద్ సంగీతంతో భారీ అంచనాలని కలిగి ఉంది. GA2 పిక్చర్స్ క్రింద బన్నీ వాస్ ఈ చిత్రాన్ని నిర్మించారు. ప్రముఖ నిర్మాత అల్లు అరవింద్ ఈ సినిమాని సమర్పిస్తున్నారు.
|
|