'సారంగపాణి జాతకం' టీజర్ లాంచ్ చేయనున్న ప్రముఖ నటుడు
cinema | Suryaa Desk | Published : Tue, Nov 19, 2024, 06:08 PM
నిర్మాత శివలెంక కృష్ణ ప్రసాద్‌తో దర్శకుడు మోహనకృష్ణ ఇంద్రగంటి మూడవసారి కలిసి "సారంగపాణి జాతకం" అనే టైటిల్ తో తమ తదుపరి ప్రాజెక్ట్ ని ప్రకటించిన సంగతి అందరికి తెలిసిందే. ఈ చిత్రంలో ప్రియదర్శి ప్రధాన పాత్రలో నటిస్తున్నాడు. రూప కొడుయూర్ ఈ చిత్రంలో మహిళా ప్రధాన పాత్రలో నటిస్తుంది. ఈ ఫ్యామిలీ ఎంటర్‌టైనర్ లో వెన్నెల కిషోర్, వైవా హర్ష, నరేష్ వికె, తనికెళ్ల భరణి మరియు శ్రీనివాస్ అవసరాల కీలక పాత్రలలో నటిస్తున్నారు. ఈ సినిమా టీజర్ నవంబర్ 21న ఉదయం 11:12 గంటలకి విడుదల కానుంది. తాజాగా మూవీ మేకర్స్ ఈ సినిమా టీజర్ ని టాలీవుడ్ రౌడీ స్టార్ విజయ్ దేవరకొండ విడుదల చేయనున్నట్లు ప్రకటించారు. ఈ విషయాని తెలియజేసేందుకు చిత్ర బృందం సోషల్ మీడియాలో సరికొత్త పోస్టర్ ని విడుదల చేసింది. ఫ్యామిలీ కామెడీ ఎంటర్‌టైనర్ అయిన ఈ చిత్రం, ఒక అద్భుతమైన హాస్యం మరియు అద్భుతమైన తారాగణం కలగలిసి ఉంటుంది అని సమాచారం. వివేక్ సాగర్ సంగీతం సమకూర్చగా, పిజి విందా ఫోటోగ్రఫీ డైరెక్టర్ గా ఉన్నారు. ఈ సినిమా డిసెంబర్ 20న విడుదలకు సిద్ధంగా ఉంది.
|
|