అనన్య పాండే ఆసక్తికర వ్యాఖ్యలు
cinema | Suryaa Desk | Published : Thu, Nov 28, 2024, 12:50 PM
రిలేషన్షిప్ గురించి ఆసక్తికర వ్యాఖ్యలు చేశారు బాలీవుడ్ నటి అనన్య పాండే (Ananya Pandey). ఇద్దరు వ్యక్తుల మధ్య నమ్మకం ఉంటేనే ఏ బంధమైనా బలపడుతుందని ఇటీవల ఓ పాడ్కాస్ట్లో తెలిపారు. ‘‘గతంలో నేను రిలేషన్షిప్లో ఉన్నాను. ఎదుటి వ్యక్తి కోసం నేనెంతగానో మారాను. చాలా విషయాల్లో రాజీపడ్డా. రిలేషన్షిప్ ప్రారంభమైనప్పుడు ఎదుటి వ్యక్తి మెప్పు పొందడం, వారి దృష్టిని ఆకర్షించడం కోసం ఏదైనా చేయాలనిపిస్తుంది. మనం ఎంత మారినా ఫర్వాలేదనిపిస్తుంది. మనం మారుతున్నామనే విషయం మొదట్లో మనకు అర్థం కాదు. ఇది సహజంగానే ఉన్నట్లు అనిపిస్తుంది. ప్రేమలో ఉన్నప్పుడు లోపాలు తెలియవు. ఏదీ మనకు సమస్యగా అనిపించదు. ఆ బంధం నుంచి బయటకు వచ్చినప్పుడే మీకు అన్నీ అర్థమవుతాయి’’ అని అనన్య తెలిపారు.రిలేషన్షిప్లో తాను నిజాయతీగా ఉంటానని ఆమె అన్నారు. ఎదుటి వ్యక్తి నుంచి కూడా అంతే నిజాయతీ లభిస్తే బాగుంటుందని తెలిపారు. తనకు కాబోయే వ్యక్తి.. అన్నివిధాలా అర్థం చేసుకునేవాడు అయి ఉండాలన్నారు. సింప్లిసిటీగా ఉండాలన్నారు. అనన్య గతంలో నటుడు ఆదిత్యరాయ్ కపూర్తో ప్రేమలో ఉన్నట్లు వార్తలు వచ్చాయి. ఇటీవల వీరిద్దరూ విడిపోయినట్లు తెలుస్తోంది. ఈ క్రమంలోనే ఆంగ్ల పత్రికల్లో వార్తలు చక్కర్లు కొడుతున్నాయి. ఈ నేపథ్యంలో రిలేషన్షిప్ గురించి అనన్య చేసిన వ్యాఖ్యలు వైరల్గా మారాయి. ఆదిత్యరాయ్ కపూర్ గురించే ఆమె మాట్లాడుతుందని పలువురు భావిస్తున్నారు.
|
|