ట్రెండింగ్
విజయనిర్మల భౌతికకాయం వద్ద కన్నీరు మున్నీరైన కృష్ణ
cinema | Suryaa Desk | Published : Thu, Jun 27, 2019, 01:05 PM
హైదరాబాద్: నటి, దర్శకురాలు, నిర్మాత విజయనిర్మల గురువారం గుండెపోటుతో మృతిచెందారు. ఆమె భౌతికకాయం నానక్రామ్ గూడలోని స్వగృహానికి తీసుకువచ్చారు. ఈ రోజంతా సినీ ప్రముఖులు, అభిమానుల సందర్శనార్థం ఉంచనున్నారు. ఇంటికి చేరిన విజయ నిర్మల పార్థివదేహాన్ని చూసిన ఆమె భర్త, నటుడు కృష్ణ కన్నీరుమున్నీరుగా విలపించారు. కుటుంబ సభ్యులతో పాటు సినీ ప్రముఖులు భౌతికకాయానికి నివాళులర్చించేందుకు తరలివస్తున్నారు. రేపు ఉదయం అభిమానుల సందర్శనార్థం ఆమె భౌతికాయాన్ని ఫిలించాంబర్లో కొంత సమయం ఉంచిన తరువాత అంత్యక్రియలు నిర్వహిస్తామని కుటుంబ సభ్యులు వెల్లడించారు. విజయనిర్మల మరణంలో ఈ రోజు జరగాల్సిన కల్కి ప్రీ రిలీజ్ ఈవెంట్తో పాటు రేపు జరగాల్సిన మహర్షి 50 రోజుల వేడుకలను క్యాన్సిల్ చేశారు.
|
|